नाशिक : वडीलांनी चाैदा वर्षांच्या मुलीला प्रसाद कमी खा, असे रागावल्याने तिने विष पिऊन आत्महत्या केल्याची धक्कादायक घटना उघडकीस आली आहे. याप्रकरणी नाशिक राेड पाेलिस ठाण्यात नाेंद करण्यात आली आहे.

श्रद्धा दिलीप कापरे (१४, जेल राेड) असे मृत मुलीचे नाव आहे. श्रद्धाचे वडील दिलीप कापरे यांनी त्र्यंबकेश्वर येथून प्रसाद आणला हाेता. ताे प्रसाद सर्व खात असताना श्रद्धाने ताे जरा जास्त घेतला. त्यामुळे तिचे वडील तिच्यावर रागावले. यामुळे तिला वाईट वाटले. यातूनच तिने घरी असताना विषारी औषध पिले. घटना लक्षात येताच तिला उपचारासाठी खासगी रुग्णालयात दाखल करण्यात आले. उपचारादरम्यान तिचा मृत्यू झाला. पाेलिस नाईक चव्हाण तपास करत आहेत.