Nashik Crime News : पोलिसांनी अमरधाम लगत असलेल्या एका दुकानावर छापा टाकत ३७ हजार रुपये किमतीचा गुटखा जप्त केला. (Gutkha worth 37 thousand seized in Satna nashik crime news)

शहर पोलिसांनी गुटखा विक्रीच्या विरोधात कडक धोरण हाती घेतले असून शहरातून गुटखा विक्री हद्दपार करण्यासाठी प्रभारी सहाय्यक पोलिस अधीक्षक चिलूमुला रजनीकांत यांचा मार्गदर्शनाखाली सहाय्यक पोलिस निरीक्षक किरण पाटील, सहाय्यक पोलिस निरीक्षक उज्ज्वल राजपूत, वर्षा जाधव यांच्या नेतृत्वाखाली विशेष पथक तयार करण्यात आले आहे.

हेही वाचा : Credit Card फसवणूक....काय घ्याल काळजी?

शहरातील अमरधाम रोडवर असलेल्या एका किराणा दुकानात गुटखा विक्री होत असल्याची माहिती सहाय्यक पोलिस निरीक्षक किरण पाटील व त्यांचे सहकारी उज्ज्वल राजपुत यांना समजली असता त्यांनी या बाबत खातरजमा करून सदरच्या दुकानात छापा टाकून तेथून सुमारे ३७ हजार रुपये किमतीचे गुटखा जप्त केला.

पोलिस हवालदार श्री. जगताप, पोलिस नाईक वाडिलाल जाधव, हरी शिंदे, भूषण सूर्यवंशी, संतोष भगरे, विक्रम वडजे यांनी वरिष्ठ अधिकाऱ्यांच्या मार्गदर्शनाखाली ही कारवाई केली.Crime