नाशिक : शहरात वेगवेगळ्या भागात महिलेसह मुलीचा विनयभंगाचा प्रकार उघडकीस आला. अल्पवयीन मुलीचा रस्ता अडवून एकाने लग्नाची गळ घालत तिचा विनयभंग केला. तर दुसऱ्या घटनेत नव्याने सुरू असलेल्या बांधकाम साइटवर घरात झोपलेल्या महिलेचा गवंड्याने विनयभंग केला. याप्रकरणी मुंबई नाका आणि म्हसरूळ पोलीस ठाण्यात गुन्हे दाखल करण्यात आला आहे. 

लग्नास नकार देताच तरुणीची विनयभंग

गंजमाळ परिसरातील पंचशिलनगर भागात राहणारी अल्पवयीन मुलीने दिलेल्या तक्रारीनुसार, बुधवारी (ता. ४) सायंकाळी मुलगी शिंगाडा तलाव रोडने शिवण क्लासला जात असतांना निखील कंडारे (रा.पंचशिलनगर) नावाच्या तरुणाने तिचा पाठलाग केला. मनोहर मार्केट रिक्षा थांब्यावर मुलीचा रस्ता अडवून संशयिताने तिला लग्नाची मागणी घातली. यावेळी मुलीने त्यास नकार दिला असता संशयिताने तिचा विनयभंग केला. तसेच यावेळी कोणाला सांगितले तर जीवे ठार मारण्याची धमकी दिली. याप्रकरणी मुंबई नाका पोलीस ठाण्यात विनयभंग आणि बाल लैंगिक अत्याचार संरक्षण कायद्यानुसार गुन्हा दाखल करण्यात आला आहे. 

हेही वाचा >  काय बोलावं आता! जेव्हा न्यायाधिशांच्याच घरी होते चोरी; मुळासकट पुरावे नष्ट

दुसरी घटना : मखमलाबाद रोडवरील शांतीनगर भागातील

गामणे मळा येथे नव्याने सुरू असलेल्या रो हाऊस साइटवर महिलेचे कुटुंबीय वॉचमन म्हणून काम पाहतात. बुधवारी सायंकाळी महिला आपल्या घरात झोपलेली असतांना याच साइटवर प्लॅस्टर काम करणाऱ्या परप्रांतीय गवंड्याने तिचा विनयभंग केला. रामनरेश रामधारी यादव (५३ मुळ रा.उत्तरप्रदेश हल्ली अश्वमेधनगर,पेठ रोड) असे संशयिताचे नाव आहे. महिला घरात एकटी असल्याची संधी साधून संशयिताने तिच्या घरात प्रवेश करून विनयभंग केला. याप्रकरणी म्हसरूळ पोलीस ठाण्यात विनयभंगाचा गुन्हा दाखल करण्यात आला असून संशयितास पोलिसांनी बेड्या ठोकल्या आहेत. अधिक तपास सहाय्यक निरीक्षक शिवाजी अहिरे करीत आहेत. 

हेही वाचा >  एक हात बिबट्याच्या जबड्यात, तरीही चिमुकला थेट भिडलाच; 12 वर्षांच्या गौरवची धाडसी झुंज