corona virus 2.jpg 
नाशिक

कोरानाने मृत पालकांच्या पाल्यांना शिक्षणासाठी मिळवून देणार मदत! 'या' अभियानामार्फत आवाहन

भाऊसाहेब गोसावी

नाशिक / चांदवड : कोविड विषाणूमुळे ज्या विद्यार्थ्यांचे पालक हे जग सोडून गेले त्या विद्यार्थ्यांवर आज दुःखाचा डोंगर कोसळला आहे. त्यांना मदतीचा हात देणे ही समाजातील सर्वच जणांची सामाजिक जबाबदारी आहे. ही जबाबदारी जाणून घेत समाजातील दानशूर व्यक्तींनी पुढे येऊन या विद्यार्थ्यांना मदत करणे गरजेचे आहे.

कोरानाने मृत पालकांच्या पाल्यांना शिक्षणासाठी मिळवून देणार मदत 

राष्ट्रवादी विद्यार्थी काँग्रेसचे प्रदेशाध्यक्ष सुनील गव्हाणे यांच्या संकल्पनेतून राष्ट्रवादी विद्यार्थी काँग्रेस, महाराष्ट्र प्रदेशकडून पूर्ण राज्यभर कोविड विद्यार्थी-पालक अभियान सुरू केले आहे. या अभियानाच्या माध्यमातून ज्या विद्यार्थ्यांचे पालक कोरोना विषाणूला बळी पडले आणि दुर्दैवाने त्यांना या जगाचा निरोप घ्यावा लागला, अशा पालकांच्या पाल्यांच्या शिक्षणाच्या एकूण खर्चाच्या काही खर्चाची जबाबदारी समाजातील दानशूर व्यक्तींनी घ्यावी, असे आवाहन या अभियानाच्या माध्यमातून करण्यात येणार आहे. 

दानशूर व्यक्तींनी पुढे यावे
कोविड विषाणूमुळे ज्या विद्यार्थ्यांचे पालक हे जग सोडून गेले त्या विद्यार्थ्यांवर आज दुःखाचा डोंगर कोसळला आहे. त्यांना मदतीचा हात देणे ही समाजातील सर्वच जणांची सामाजिक जबाबदारी आहे. ही जबाबदारी जाणून घेत समाजातील दानशूर व्यक्तींनी पुढे येऊन या विद्यार्थ्यांना मदत करणे गरजेचे आहे. या अभियानाच्या माध्यमातून कोरोनामुळे दुःखाचा डोंगर कोसळलेल्या अनेक विद्यार्थी आणि समाजातील दानशूर व्यक्ती यांच्यातील दुवा होण्याचे काम येणाऱ्या काळात राष्ट्रवादी विद्यार्थी काँग्रेसचे नाशिक जिल्ह्यातील सर्व पदाधिकारी आणि सदस्य करतील, अशी भूमिका राष्ट्रवादी विद्यार्थी काँग्रेसचे जिल्हाध्यक्ष नंदन भास्करे यांनी मांडली आहे. 

प्रत्येक विद्यार्थ्यापर्यंत पोचत त्यांना मदत करणार
येणाऱ्या काळात नाशिक जिल्हा, तसेच चांदवड तालुक्यातील विद्यार्थी आणि दानशूर व्यक्ती यांनी संपर्क करण्याचे आवाहन भास्करे यांनी केले आहे. जिल्ह्यातील ज्या विद्यार्थ्यांच्या पालकांचा कोरोनाच्या साथीत दुर्दैवी मृत्यू झाला अशा प्रत्येक विद्यार्थ्यापर्यंत पोचत त्यांना मदत करणार असल्याचे राष्ट्रवादी विद्यार्थी काँग्रेसचे चांदवड तालुकाध्यक्ष बापू गागरे, रोशन देवढे, राहुल एळिंजे, विशाल सोनवणे, भूषण गांगुर्डे यांनी सांगितले. विद्यार्थी व पालकांनी अधिक माहितीसाठी नंदन भास्करे (मो. 8805543333), आकाश कदम (9595619198), भावनेश राऊत (9545955632) यांच्याशी संपर्क करण्याचे आवाहन करण्यात आले आहे.  

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Stock Market Closing: शेअर बाजार लाल रंगात; सेन्सेक्स-निफ्टी मोठ्या घसरणीसह बंद, कोणते शेअर्स वाढले?

Sanjay Shirsat: अंबादास दानवेंनी लावलेली आग अन् फडणवीसांनी केलेला गेम, संजय शिरसाट कसे फसले?

Beed Baby News: मृत घोषित केलेलं बाळ रात्रभर दुर्लक्षित; दुसऱ्या दिवशी बॅगमध्ये टाकून नेलं, कुदळ सापडेना म्हणून झाला उशीर अन्...

तेजश्री प्रधानच्या झी मराठीवर दिसण्यावर स्टार प्रवाहच्या सतीश राजवाडेंची थेट प्रतिक्रिया; म्हणाले, 'ती नायिका आधी...

IND vs ENG 3rd Test: जो रूटचे विक्रमी शतक! भारतासमोर मजबूत भिंतीसारखा राहिलाय उभा; राहुल द्रविड, स्टीव्ह स्मिथचा विक्रम मोडला

SCROLL FOR NEXT