नाशिक :  कोरोनाने अवघ्या जगाला दहशतीखाली आणले आहे. आणि त्याच दहशतीमुळे की काय त्र्यंबकेश्वर तालुक्यातील तोरंगण घाटात एक धक्कादायक घटना घडली आहे. कोरोनोच्या भीतीने या घाटात शेकडो कोंबड्या मृत अवस्थेत आढळल्या आहेत. हा सर्व प्रकार पाहून परिसरातील नागरिक संताप व्यक्त करत आहेत.

कोरोनाची भीती अन् नागरिकांचा संताप...

नाशिक - जव्हार या रस्त्यावर ये -जा करणाऱ्या वाहनामधून कोंबड्या फेकल्याचे समजते.. जेव्हा लोकांना कळले की बॉयलर कोंबड्या व अंडी यांच्यापासून हा आजार वाढत आहे.तेव्हापासून ग्रामीण भागात लोकांनी बॉयलर कोंबड्या खाणे टाळले आहे. त्यामुळे बॉयलर कोंबड्या उत्पादक व पोल्ट्री फार्मवाल्यांचे अतोनात नुकसान झाल्याचे चित्र पाहायला मिळत आहे. या प्रकाराने तोरंगण येथील नागरिकांमध्ये घाबराट पसरली असून यावर कार्यवाही करण्याची मागणी ग्रामस्थांनी व्यक्त केली आहे. हा प्रकार अत्यंत संतापजनक असल्याच्या प्रतिक्रिया नागरिकांकडून येत आहे.

हेही वाचा > लग्न जमण्याच्या आधीच 'दोघांना' भेटणं पडलं चांगलच महागात...! 

हेही वाचा >  भयानक प्रकार! हुंडा दिला नाही म्हणून डोक्यात घातला लाकडी दांडका..