नाशिक : 26 जुलै 2018 ला पत्नी पंचवटी येथील मंदिरात दर्शनासाठी गेली होती. देवदर्शनासाठी रांगेत उभी असताना तिच्या मागे अन्य स्त्री-पुरुष भाविक उभे होते. नितीन तिचा माग काढत त्याठिकाणी आला. दोघे जण बरोबर घरी गेले. त्यानंतर... 

असा घडला प्रकार...

नितीन वेल्हाळ पत्नीच्या चारित्रावर नेहमी संशय घेत. 26 जुलै 2018 ला पत्नी पंचवटी येथील मंदिरात दर्शनासाठी गेली होती. देवदर्शनासाठी रांगेत उभी असताना तिच्या मागे अन्य स्त्री-पुरुष भाविक उभे होते. नितीन तिचा माग काढत त्याठिकाणी आला. दोघे जण बरोबर घरी गेले. त्यानंतर रांगेत तिच्या मागे असलेल्या पुरुषाशी तिचा काय संबंध आहे, अशी कुरापत काढून पत्नीशी वाद घातला. तिच्या चारित्रावर संशय घेत तिला शिवीगाळ करून मारहाण केली. घरातील किचनचा दरवाजा बंद करून तिच्या गळ्यावर चाकूने वार केले. भांडणाचा आवाज आल्याने पीडितेच्या सासऱ्याने दरवाजा उघडण्याचा प्रयत्न केला. त्यांनी दुसऱ्या मुलास बोलावून दरवाजा तोडला. जखमी पत्नीस जिल्हा रुग्णालयात दाखल केले.

नक्की बघा > PHOTOS : अकराव्या वर्षी समजले किन्नर झाल्याचे...अन् थेट झाली लोकांची आयडॉल!

पतीला एक वर्षाचा कारावास

भद्रकाली पोलिसांनी पीडितेचा जबाब घेत पती नितीन वेल्हाळ यास अटक करून त्याच्याविरुद्ध ठार मारण्याचा प्रयत्न केल्याचा गुन्हा दाखल केला. घटनास्थळावरून, तसेच प्रत्यक्षदर्शींचा जबाब, परिस्थितीजन्य पुरावे आणि पीडितेचा जबाब यावरून तपास पूर्ण करत दोषारोपपत्र न्यायालयात दाखल केले. शुक्रवारी (ता. 10) या प्रकरणावर जिल्हा व सत्र न्यायाधीश विकास कुलकर्णी यांच्या न्यायालयात सुनावणी पूर्ण झाली. आरोपी नितीन वेल्हाळ याच्यावर आरोप निश्‍चित झाल्याने त्यास एक वर्षाचा सक्षम कारावास आणि 500 रुपयांचा दंड शिक्षा सुनावण्यात आली.  

हेही वाचा > नदीवरील पडक्या खोलीत तो 'तिच्यावर' बळजबरीने...सत्य समजल्यावर धक्काच!