नाशिक : (देवळाली कॅम्प) नानेगावं येथील जय भवानी वस्तीतील घटना त्यांच्यात नेहमीच वाद होत, कधी शुलक्क कारणांवरुन तर कधी तो स्वत:च काही कुरापत काढी...त्यादिवशी असाच वाद विकोपाला गेला.. अन् त्याने तिच्या डोक्यात फावड्याने मारत जीवे ठार केलं.

असा आहे प्रकार

हिरामण निवृत्ती बेंडकुळे यांनी त्यांच्या राहत्या घरात त्याची पत्नी काजल हिरामण बेंडकुळे (वय 26 )हीच्या सोबत भांडण करत तिच्या डोक्यात फावड्याने मारत जीवे ठार करण्याची घटना घडली. असून, याबाबत देवळाली कॅम्प पोलीस ठाण्यात भादवी कलम 302 प्रमाणे गुन्हा दाखल करण्यात आला आहे. या बाबत नानेगावचे पोलीस पाटील संदिप रोकडे यांनी दिलेल्या फिर्यादीनुसार शनिवार दि.25 रोजी रात्री दहा वाजून दहा मिनीटांनी ज्ञानेश्वर शिंदे यांनी फिर्यादीस फोन करून घटनास्थळी येण्याबाबत सांगितले. तिथे पोहचल्यानंतर ज्ञानेश्वर शिंदे यांनी संबंधित घटना फिर्यादीस सांगितले. त्यानंतर फिर्यादी संदिप रोकडे यांनी हिरामण बेंडकुळे यांच्या घरात जाऊन पाहिले असता काजल बेंडकुळे हिच्या डोक्यातून रक्तस्त्राव होत होता. त्यानंतर तिच्या नाकासमोर हात ठेवला असता श्वासांश्व बंद झाल्याचे लक्षात आले .

हेही वाचा > "जागा तुझ्या बापाची आहे का?".. जागा तर माझीच...अन् बघता - बघता त्याने

याने तिच्या डोक्यात फावड्याने मारले

याबाबत तिची सासू तिच्या जवळ रडत बसली असता तिने सांगितले की माझा मुलगा हिरामण याने त्याची पत्नी काजल सोबत भांडण करून तिच्या डोक्यात फावड्याने मारले आहे .या बाबत घटनेची माहिती तात्काळ देवळाली कॅम्प पोलीस निरीक्षक देविदास वांजळे यांना मोबाईल द्वारे दिली .माहीती दिली असता ते पथकासह तात्काळ घटनास्थळी दाखल झाले. मयत हिचा पती हिरामण यास अटक केली असून पुढील तपास वरिष्ठ पोलीस निरीक्षक देविदास वांजळे यांच्या मार्गदर्शनाखाली सहाय्यक पोलीस निरीक्षक राहुल मोरे करीत आहे. 

हेही वाचा > ''जीवापेक्षा घर महत्वाचे होते का?''..बायकोच्या भावना झाल्या अनावर...