नाशिक : केंद्रीय लोकसेवा आयोगामार्फत यापूर्वी जाहिराती प्रसिद्ध केलेल्या असताना कोरोनामुळे उद्‍भवलेल्या परिस्थितीत अर्जप्रक्रिया मंदावली होती. परंतु आता आयोगामार्फत या विविध पदांच्या ९४ जागांसाठी अर्ज भरण्याच्या प्रक्रियेला सुरवात केली आहे. इच्छुक पात्र उमेदवारांना येत्या ३० जुलैपर्यंत ऑनलाइन स्वरूपात अर्ज भरण्याची संधी उपलब्ध असणार आहे. 

इच्छुक व पात्र उमेदवारांना अर्ज भरता येणार

काही दिवसांपूर्वी केंद्रीय लोकसेवा आयोगामार्फत दोन जाहिराती प्रसिद्ध करण्यात आल्या होत्या. यामध्ये केंद्रीय सुरक्षा मंत्रालयासह अन्य विविध केंद्रीय स्तरावरील विभागांमध्ये रिक्‍त असलेल्या पदांचा तपशील जारी करण्यात आला होता. या दरम्यान गेल्या काही दिवसांमध्ये नियोजित असलेल्या परीक्षा रद्द ठरविल्या होत्या. या पार्श्‍वभूमीवर या परीक्षांकरिता अर्ज भरण्याची प्रक्रियादेखील मंदावली होती. जनजवीन सुरळीत होत असताना आता या जाहिरातीत नमूद केलेल्या पदांकरिता ऑनलाइन अर्ज भरण्याची प्रक्रिया शनिवार (ता. ११)पासून सुरू झालेली आहे. इच्छुक व पात्र उमेदवारांना ३० जुलैपर्यंत अर्ज भरता येणार आहे. जाहिरातीत नमूद केल्याप्रमाणे यापूर्वीच्या अटी व शर्ती उमेदवारांना लागू राहतील. 

हेही वाचा > धक्कादायक! ऑटो गॅरेज, कोल्ड्रींक्स अन् मोबाईलच्या दुकानात चोरीछुपे सुरू प्रकार...शोध घेताच मोठा खुलासा

...असे आहेत विविध पद 
उपलब्ध नव्वदहून अधिक रिक्‍त जागांपैकी सर्वाधिक जागा या सहाय्यक अभियंता (असिस्टंट इंजिनिअर) या पदासाठीच्या आहेत. याशिवाय नॅशनल शुगर इन्स्टिट्यूट येथे चीफ डिझाइन इंजिनिअरपदाची एक जागा, आकॅलॉजिकल सर्वे ऑफ इंडिया येथील डेप्युटी सुप्रिटंडिंग ॲरकॉलॉजिकल केमिस्टच्या दोन जागा, सुरक्षा मंत्रालयात सहाय्यक अभियंतापदाच्या जागा उपलब्ध आहेत. याशिवाय नॅशनल झुऑलॉजिकल पार्क येथेही असिस्टंट व्हॅअर्निटी ऑफिसर, ईएसआयसी येथे सहाय्यक संचालकपदाच्या तेरा जागा आहेत. अन्य विविध केंद्रीय स्तरावरील विभागांतील रिक्‍त जागांचा यात समावेश आहे. 

हेही वाचा > आम्हाला पैसे दे.. नाहीतर पुलावरून फेकून देऊ" उड्डाणपुलावरील प्रकार पाहून पोलीसही थक्क