नाशिक : सिडको भागात अनेक ठिकाणी सर्रास दारूविक्री होत संचारबंदीच्या नियमांची पायमल्ली होताना दिसून येत आहे. तरीदेखील कोणत्याही प्रकारची कारवाई केली जात नसल्याने नागरिकांनी आश्चर्य व्यक्त केले आहे.
अवैध मद्यविक्री तेजीत सुरू
सिडको भागातील महाकाली चौक येथे अवैध मद्यविक्री तेजीत सुरू असल्याचे चित्र दिसत आहे. संचारबंदीकाळात बार, वाईन शॉप, हॉटेल बंद असले तरी ही बंदी केवळ नावापुरतीच उरली आहे. कमी श्रमात आणि कमी वेळेत जास्त पैसा मिळत असल्याने अवैध दारू विक्री करणाऱ्यांची संख्या सिडको भागात वाढत आहे. एकीकडे भाजीबाजारात मोठ्या प्रमाणात गर्दी दिसून येत आहे, तर अत्यावश्यक सेवेच्या नावाखाली शासनाने ठरवून दिलेल्या वेळा पेक्षाही अधिक वेळात किराणा दुकाने सुरू असल्याचे दिसून येत आहे. या ठिकाणी कोणतीही कारवाई करताना दिसून येत नाही. कारवाई फक्त नाकाबंदी सुरू असलेल्या ठिकाणी पहायला मिळत आहे. अवैध दारू विक्रेत्यांवर लवकरात लवकर कारवाई करावी अशी मागणी सर्वसामान्यांकडून केली जात आहे.
''महाकाली चौकामध्ये देशी दारूविक्री मोठ्या प्रमाणात होत आहे. लहान मुलांनादेखील बळीचे बकरे बनविले जात आहे. असे असतानाही येथे कारवाई होऊ नये याबाबत कमालीचे आश्चर्य निर्माण होत आहे.''
- मुकेश शहाणे, नगरसेवक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.