नाशिक : एका बाजूला कोरोनाचा कहर सुरू असताना दुसरीकडे शहर- जिल्ह्यात ज्येष्ठांमधील जुने विकार बळावले आहेत. त्यातून मृत्यूचे प्रमाण वाढत आहे. विशेषतः श्‍वास घेण्यात अडचणी, अचानक छातीत दुखून किंवा बेशुद्ध होऊन मृत्यू होण्याचे प्रकार वाढत आहे. श्‍वास घेण्यात अडचण येत असल्याने रविवारी आणखी एक मृत्यू झाल्याचे उघडकीस आले. कालिकानगर वसाहतीतील अशोक काशीनाथ घाडगे (वय ६८) यांच्या छातीत दुखून अचानक श्‍वास घेण्यास त्रास होऊ लागल्याने त्यांना जिल्हा रुग्णालयात दाखल केले असता त्यांचा मृत्यू झाला. 

बेशुद्ध होऊन तिघांचे मृत्यू 
श्‍वास घेण्याशिवाय रविवारी तिघा रुग्णांचा बेशुद्ध होऊन काही वेळातच मृत्यू झाल्याचे उघडकीस आले. सिडकोत रायगड चौकातील सावतानगर भागात अविनाश शंकर महाले (वय ५५) राहत्या घरी बेशुद्ध स्थितीत आढळल्याने त्यांना जिल्हा रुग्णालयात दाखल केले असता त्यांचा मृत्यू झाला, तर दुसऱ्या घटनेत सातपूरला सुहास एकनाथ जोशी (वय ६५) यांना त्रास होऊ लागल्यने काही वेळात बेशुद्ध पडले. त्यानंतर त्यांना उपचारासाठी दाखल केले असता त्यांचाही मृत्यू झाला. 

हेही वाचा > नाशिक दत्तक घेणारे कुठे गेले?...शिवसेनेचा सवाल

हेही वाचा > रात्रीची वेळ..भयानक अंधार..शिक्षक चेकपोस्टवर ड्युटीवर असतानाच निघाला ६ फुटी कोब्रा!