नाशिक : सारडा सर्कल भागात टवाळखोरांचा वावर वाढला आहे. परिसरातील शाळांच्या बाहेर थांबून मुलींची छेड काढण्याचे प्रकार घडत आहेत. गुरुवारी (ता. 6) असाच एक प्रकार घडला. तेथे काही वेळ तणावाचे वातावरण पसरले होते. पोलिसांच्या मध्यस्थीनंतर प्रकरण निवळले. 

सारडा सर्कल भागात अशी घडली घटना....

शाळेतील एक अल्पवयीन मुलगी शाळा सुटल्यावर घरी परतत असताना तिला एक संशयित त्रास देत होता. दोन ते तीन दिवसांपासून हा प्रकार सुरू होता. तोंडाला रुमाल बांधून संशयित येत होता. कुटुंबीयांना तिने घडलेला प्रकार सांगितला. संशयितासारखाच एकजण त्यांच्या मुलीस शाळेत सोडण्यासाठी आला होता. घाबरलेल्या मुलीस संशयित आल्याचा भास झाला. त्यातून गुरुवारी (ता. 7) शाळेच्या बाहेर काही वेळ तणावाचे वातावरण निर्माण झाले. मुंबई नाका पोलिसांनी घटनास्थळी दाखल होत मध्यस्थी केली.

हेही वाचा > तमाशातच भयंकर तमाशा! दारूची नशा अन् कलांवतांसोबत धक्कादायक प्रकार!​

यापूर्वीही असे अनेक प्रकार

यापूर्वीही असे अनेक प्रकार भागात घडले आहेत. विविध भागांतील टवाळखोर शाळा, महाविद्यालय सुटण्याच्या वेळेत चौकात गर्दी करून धिंगाणा घालण्याचा प्रयत्न करतात. शाळेने सुरक्षेची काळजी घेत सीसीटीव्ही कॅमेरे बसविले आहेत. प्रवेशद्वारावर कर्मचारीही नियुक्त केले आहेत. पोलिसांनी शाळा, महाविद्यालय भरणे आणि सुटण्याच्या वेळेत या ठिकाणी पोलिस कर्मचाऱ्यांची नियुक्ती करावी, गस्त वाढवावी, अशी मागणी पालकांकडून केली जात आहे. 

हेही वाचा > PHOTOS : बहिण-भावाची भेट होण्यापूर्वीच मोठा आक्रोश... ह्रदय पिळवटून टाकणारी घटना