नाशिक : शहरात प्लॅस्टिक वापरण्यास बंदी असली तरी कचरा डेपोमध्ये मोठ्या प्रमाणात प्लॅस्टिक जमा होत असल्याने आश्‍चर्य व्यक्त होत आहे. शहर व परिसरात कारखाने असल्याच्या संशयावरून तपासणी करण्याच्या सूचना घनकचरा व्यवस्थापन विभागाला देण्यात आल्या आहेत. 

परिसरात प्लॅस्टिकचे कारखाने असल्याचा संशय

२०१८ मध्ये राज्य शासनाच्या पर्यावरण विभागाने राज्यात प्लॅस्टिक, थर्माकोल या अविघटनशील वस्तूंच्या वापरावर बंदी आणली आहे. प्लॅस्टिक पिशव्या वापरणाऱ्यावर दंडात्मक कारवाई करण्यासाठी पथकांची नियुक्ती महापालिकेत करण्यात आली. अडीच वर्षांपासून प्लॅस्टिक वापरावर बंदी आणताना जप्तीची कारवाई केली जात आहे. परंतु खत प्रकल्पावर घंटागाडीच्या माध्यमातून जो कचरा पडतो, त्यात सर्वाधिक प्लॅस्टिकचे प्रमाण अधिक असल्याची बाब लक्षात आल्याने शहरात बंदी असेल तर प्लॅस्टिकचा संचय होतो कोठून, असा सवाल उपस्थित केला जात आहे. शहराच्या आसपास प्लॅस्टिकचे कारखाने असल्याचा संशय निर्माण झाल्याने या कारखान्यांचा शोध घेण्याच्या सूचना आयुक्त कैलास जाधव यांनी घनकचरा विभागाला दिल्या आहेत. 

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश

गुदाम तपासणार 

गेल्या अडीच वर्षांपासून प्लॅस्टिक वापरावर कारवाई करताना एक हजार १४५ व्यावसायिकांवर कारवाई करण्यात आली असून, त्यांच्याकडून ४५ लाख रुपये दंड वसूल करण्यात आला आहे. कारवाई केल्यानंतरही प्लॅस्टिक वाढत असल्याने तपासणी मोहीम तीव्र केली जाईल. त्याचबरोबर ऑनलाइन शॉपिंगच्या माध्यमातून मागविल्या जाणाऱ्या वस्तूंना प्लॅस्टिकचे वेस्टन असल्याने त्यावरही बंदी आणली जाणार आहे. थेट गुदामामध्ये तपासणी करण्याच्या सूचना देण्यात आल्या आहेत.  

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप