सोग्रस (जि.नाशिक) : वडाळीभोई-धोडंबा रस्त्यावर (ता. ३१) रात्री झालेल्या अपघातात एक ठार, चार जखमी झाले. जखमींपैकी एकाची प्रकृती गंभीर असल्याने त्याला अतिदक्षता विभागात ठेवले आहे. 

असा घडला अपघात
इंडिगो (एमएच ०२, बीवाय १२४२)मधून नितीन गांगुर्डे, पूर्वी गांगुर्डे व पौर्णिमा गांगुर्डे (वय २१, रा. वडनेरभैरव) तिघे धोडंबेकडे जात असताना एकरुखे येथील राजेंद्र खैरे (३४) व चिंतामण धनाईत (२२, दोघेही रा. एकरुखे) हे मोटारसायकलवरून येत असताना भायाळे फाटा शिवारात त्यांची समोरासमोर धडक झाली. या धडकेने मोटारसायकलवरील राजेंद्र खैरे व चिंतामण धनाईत हे दोघे गंभीर जखमी झाले. त्यांना ग्रामस्थ व पोलिसांनी पिंपळगाव बसवंत येथील खासगी रुग्णालयात दाखल केले.

हेही वाचा - सरपंचपद भोगल्यानंतर भयाण वास्तवाचा सामना! माजी सरपंचांवर आज मजुरीची वेळ 

राजेंद्र खैरे यांच्या मृतदेहावर अंत्यसंस्कार

उपचारादरम्यान शुक्रवारी (ता. १) पहाटे पाचला राजेंद्र खैरे यांचा मृत्यू झाला. चिंतामण धनाईत यांच्यावर उपचार सुरू आहेत. इंडिगोमधील नितीन गांगुर्डे, पूर्वी गांगुर्डे व पौर्णिमा गांगुर्डे तिघेही जखमी झाले असून, त्यांच्यावरदेखील रुग्णालयात उपचार सुरू आहेत. शुक्रवारी दुपारी दोनच्या सुमारास एकरुखे येथील अमरधाममध्ये राजेंद्र खैरे यांच्या मृतदेहावर अंत्यसंस्कार करण्यात आले.  

हेही वाचा - ह्रदयद्रावक! केवळ लेकरासाठीच मातेचे कष्ट अन् धडपड; नियतीचा घाला आला आणि सहा वर्षाचं लेकरू झालं पोरकं