नाशिक/एकलहरे : ऐन दिवाळीत जीवनावश्यक वस्तूंच्या दारात वाढ झाली आहे, आधीच कोरोना काळात अनेकांचे रोजगार हिरावले गेले होते तर बऱ्याच कंपन्यांमध्ये २०-३० टक्के पगार कपात अजून ही सुरू आहे त्यामुळे चाकरमान्यांना व सर्वसामान्यांना या भडक्याचा तडाखा जोरदार बसणार आहे.

खरेदी करताना काटकसर

गेल्या दहा वर्षात अनेक वस्तूंचे दर दुपटीने वाढलेले आहेत. रवा, मैदा, भाजके पोहे, मुरमुरे, खोबरे आदींच्या दरात हा प्रभाव दिसून येतो. दिवाळी सणासाठी करंजी, चिटोरे, चिवडा आदी फराळाच्या वस्तू बनविण्यासाठी ही सामुग्रीचा वापर केला जातो.
दिवाळी सणासाठी रेडिमेड फराळाची मागणी ही मोठ्या प्रमाणात असते. 
यंदा कोरोना रोगाच्या प्रादुर्भावामुळे बाजारपेठेत गर्दी दिसून येत आहे परंतु जिथे पाच हजाराची खरेदी होते तिथे हात आखडता घेत दोन ते अडीच हजाराची खरेदी करीत काटकसर करतांना दिसून येत आहेत.

हेही वाचा > एक हात बिबट्याच्या जबड्यात, तरीही चिमुकला थेट भिडलाच; 12 वर्षांच्या गौरवची धाडसी झुंज

वस्तूंच्या दरामध्ये झालेली वाढ (रुपये)

 वस्तू          भाव  २०१०       भाव  २०२० 
रवा          १८ ते २०            ३० ते ३२
मैदा         १८ ते २०            ३० ते ३२ 
पि.साखर  ३० ते ३२              ३८ ते ४२
भा. पोहे    ३५ ते ४०            ६५ ते ७०
शेंगदाणे    ६५ ते ७०          ११० ते ११५
खोबरे   ११० ते ११०           २१० ते २२०

हेही वाचा > काय बोलावं आता! जेव्हा न्यायाधिशांच्याच घरी होते चोरी; मुळासकट पुरावे नष्ट

यंदा कोरोना काळात मिल बंद असल्याने व कच्च्या मालाचा तुटवडा झाल्याने दरामध्ये काहीशी तफावत दिसून येत आहे.
तुषार बाफना (किराणा व्यावसायिक)
 

गेल्या दहा वर्षात ले दर पाहता अनेक वस्तूंचे दर दुपटीने वाढलेले दिसून येतात. कोरोना काळात अनेकांचे रोजगार हिरावले गेले होते त्यामळे सर्वसामान्यांची दिवाळी ही दिवाळे काढणार असेच दिसते.
रेखा चौधरी (गृहिणी)