नाशिक / पंचवटी : शहरासह जिल्ह्यात कोरोनाचा प्रादुर्भाव वेगाने पसरत आहे. महसूल मिळावा म्हणून एकीकडे प्रशासनाने राज्यभरातील दारूची दुकाने खुली केलेली आहेत. दुसरीकडे लाखो भाविकांचे श्रद्धास्थान असलेली मंदिरे अद्यापही कुलूपबंदच असून, ती त्वरित खुली करावी, अशी मागणी गंगा गोदावरी पुरोहित संघाने सोमवारी (ता. 11) जिल्हाधिकाऱ्यांकडे केली आहे.

त्यामुळे भाविकांत प्रचंड नाराजी

याबाबत पुरोहित संघाने जिल्हाधिकाऱ्यांना दिलेल्या निवेदनात म्हटल्याप्रमाणे शहरातील व पंचवटीतील अनेक जण सकाळी स्नान करून, सुचिर्भूत होऊन मंदिरात जाऊन देवदर्शन व पूजाअर्चा करून मगच अन्न ग्रहण करतात. मात्र कोरोनाच्या पार्श्‍वभूमीवर पंचवटीतील बहुसंख्य मंदिरे बंदच आहेत. त्यामुळे भाविकांत प्रचंड नाराजी आहे. भाविकांच्या आग्रहास्तव व श्रद्धेसाठी काही काळ का होऊना मंदिरे खुली करावीत, अशी मागणी जिल्हाधिकाऱ्यांकडे निवेदनाद्वारे करण्यात आली आहे. 

हेही वाचा > कृषीमंत्र्यांची प्रार्थना अन् मौनव्रताला मारूतीराया पावणार का? मंदिरात तब्बल तीन तास ठिय्या

44 हजारांचा निधी सुपूर्द 
गंगा गोदावरी पुरोहित संघ आणि शुक्‍ल यजुर्वेदिय माध्यंदिन ब्राह्मण संघ या संस्थांतर्फे पंतप्रधान सहाय्यता निधीस प्रत्येकी अकरा, असे 22 हजार व मुख्यमंत्री सहाय्यता निधीस 22 हजार असे 44 हजार रुपयांचा निधी निवासी उपजिल्हाधिकारी भागवत डोईफोडे यांच्याकडे सुपूर्द करण्यात आला. या वेळी दोन्ही संस्थांचे अध्यक्ष सतीश शुक्‍ल, शुक्‍ल यजुर्वेदिय संस्थेचे उपाध्यक्ष ऍड. भानूदास शौचे, तुषार जोशी, अनिल देशपांडे उपस्थित होते.  

हेही वाचा > 'त्याची' एंट्री होताच...रात्री ग्रामस्थांनी चक्क फोडले फटाके..अन् मग