Nashik News : हरनूल (ता. चांदवड) येथील रहिवासी व भारतीय सैन्य दलात असलेले जवान विक्की अरुण चव्हाण (वय २५) यांचे कुस्तीचा सराव सुरू असताना शनिवारी (ता. ९) निधन झाले.

श्रीनगरला कार्यरत असताना त्यांना वीरमरण आले. चव्हाण यांच्या निधनामुळे कुटुंबासह संपूर्ण हरनूल गावावर शोककळा पसरली. (Jawan Chavan died during wrestling practice nashik news)

बारावी उत्तीर्ण झाल्यावर विक्की चव्हाण हे भारतीय लष्करात दाखल झाले. सध्या ते श्रीनगर येथील पूंछ- राजोरी येथे महार रेजिमेंटमध्ये कार्यरत होते. ते स्वतः कुस्तीपटू असल्याने अनेक स्पर्धांच्या निमित्ताने सराव करीत असत.

शुक्रवारी (ता. ८) रात्री कुस्तीचा सराव सुरू असताना त्यांचे निधन झाले. विक्की यांची राष्ट्रीय कुस्ती स्पर्धेत निवड झाली होती.

हेही वाचा : Credit Card फसवणूक....काय घ्याल काळजी?

त्यामुळे ते रोजच कुस्तीचा सराव करीत असत. या स्पर्धेच्या तयारीसाठी शुक्रवारी रात्री आठच्या सुमारास ते कुस्तीचा सराव करीत असताना ही दुर्घटना घडली.

त्यांच्या मागे आई-वडील व भाऊ असा परिवार आहे. दरम्यान, त्यांचे पार्थिव रविवारी (ता. १०) मुंबई विमानतळावर आणण्यात येईल. त्यानंतर ते हरनूल येथे मूळ गावी त्यांच्यावर शासकीय इतमामात अंत्यसंस्कार होतील.