नाशिक : (भगूर) राहुरी शिवारातील मळ्यात शेतकरी कामात दंग असतांना घडली धक्कादायक घडना...रविवारी (ता. २) अचानक भरदिवसा एक बिबट्या एका शेतातून दुसऱ्या शेतात जेव्हा मोठ्या ऐटीत फिरतांना दिसतो तेव्हा...थरारक घटनेने परिसरात खळबळ

असा आहे प्रकार

राहुरी शिवारातील ऊसाच्या मळ्यात रविवारी (ता. २) भरदिवसा बिबट्याने एका शेतातून दुसऱ्या शेतात धावाधाव करत दर्शन दिल्याने शेतकऱ्यांची भंबेरी उडाली. या घटनेने भगूर भागात पुन्हा बिबट्याचा संचार वाढल्याचे यामुळे स्पष्ट झाले. संबंधित घटनेची माहिती मिळताच वनविभागाच्या पथकाने धाव घेत पाहणी करून पिंजरा लावण्याची तजवीज केली. दारणा नदीकाठालगतच्या गावांमध्ये बिबट्याची दहशत कायम असून, या भागातील नाशिक परिक्षेत्रांतर्गतच्या गावांमध्ये अद्याप सात बिबटे जेरबंद करण्यास वनविभागाला यश आले आहे. संतोष रामदास सानप यांच्या शेतात बिबट्या मुक्तसंचार करत होता. 

हेही वाचा > अमानुष! रक्ताच्या थारोळ्यात घरात पडलेली पत्नी..बाहेरून दरवाजा लावून निर्दयी पती फरार ..थरारक घटना

वनपरिमंडळ अधिकारी मधुकर गोसावी, वनरक्षक विजय पाटील यांनी घटनास्थळी पाहणी करून शेतकऱ्यांना सतर्कता बाळगण्याचे आवाहन केले. तसेच तत्काळ या भागात शास्त्रीयदृष्ट्या योग्य पद्धतीने पिंजरा तैनात करण्यात आला आहे. भरदिवसा बिबट्याने मुक्तपणे संचार केल्याने तो अनेकांच्या नजरेस पडल्याने परिसरात घबराट पसरली. नागरिकांनी घाबरून न जाता सुरक्षितेच्यादृष्टीने वनविभागाने सांगितलेल्या सूचना व उपाययोजनांचे पालन करावे, असे आवाहन वनक्षेत्रपाल विवेक भदाणे यांनी केले आहे.

हेही वाचा > सहा फुटांच्या खड्ड्यातून आली दुर्गंधी.. गावकऱ्यांना भलताच संशय....शोध घेताच गावात एकच खळबळ

संपादन - किशोरी वाघ