नाशिक : वडगाव पिंगळा (सिन्नर) येथील शेडनेटमधील शिमला मिरचीला पाणी देण्यासाठी सकाळी शेतमालक गेले असता धक्कादायक प्रकार घडला. शेडनेटचे दार उघडताच त्याचे झाले दर्शन अन् त्याला समोर बघून त्या शेतमालकाची भंबेरीच उडाली...शेडनेटचे दार बंद करत त्यांनी बाहेर धाव घेतली अन् नंतर...
असा आहे प्रकार
माधवराव गंधास यांच्या घराला लागून असलेल्या आज (दि.२९) सकाळी शेडनेटमध्ये बिबट्या घुसल्याची घटना शुक्रवारी (ता.29) सकाळी घडली. अचानक बिबट्यासमोर आल्याने शेतकर्यासमोर भंबेरी उडाली. ही बाब वनविभागाचे अधिकारी व पोलिसांना समजताच ते घटनास्थळी दाखल झाले आहेत. बिबट्याला बघण्यासाठी बघ्यांची मोठ्या प्रमाणावर गर्दी झाली आहे. शेडनेटमधील शिमला मिरचीला पाणी देण्यासाठी सकाळी शेतमालक अरुण विंचू गेले असता अचानक बिबट्या त्यांच्या समोर आला. बिबट्या दिसताच त्यांची भितीने भंबेरी उडाली.
त्यांनी क्षणाचाही विलंब न करता शेडनेटच्या बाहेर धाव घेत दरवाजा बंद केला. त्यानंतर त्यांनी पोलीस पाटील यांना शेडमध्ये बिबट्या घुसल्याची माहिती दिली. पोलीस पाटीलांनी तत्काळ सिन्नर येथील वनविभागाचे अधिकारी व पोलिसांना शेडमध्ये बिबट्या घुसल्याची माहिती दिली. शेडनेटचे गेट उघडे राहिल्याने बिबट्या आत गेला असावा, असे नागरिकांचे म्हणणे आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.