नाशिक : गेल्या काही वर्षांपासून विजेच्या मागणीत सातत्याने वाढ होत असताना कोरोनाचे संकट येऊन लॉकडाउन जाहीर केल्याने विजेच्या मागणीत जिल्ह्यात कमालीची घट झाली आहे. राज्यात 21 हजार मेगावॉट विजेची दैनंदिन गरज 15 हजार मेगावॉटपर्यंत आली आहे. औद्योगिक क्षेत्रातील कारखाने सुरू झाल्याने येत्या काळात विजेची मागणी पूर्वपदावर येण्याची शक्‍यता निर्माण झाल्याची माहिती सूत्रांनी दिली.

मोठ्या प्रमाणात विजेची घट
दैनंदिन गरजांमध्ये वीज हा महत्त्वाचा घटक मानला जातो. आतापर्यंत विजेची मागणी कमी झाली, असे कधी ऐकिवात नव्हते. परंतु लॉकडाउनमुळे ही परिस्थिती निर्माण झाली आहे. नाशिकला एप्रिलमध्ये 40 टक्‍क्‍यांनी विजेच्या मागणीत घट झाली. सर्वाधिक वीज व्यवसायासाठी लागते. संपूर्ण व्यवसाय बंद असल्याने मागणी एक ते दोन टक्‍क्‍यांवर आली आहे. औद्योगिक वसाहतीमधील सहा हजारांहून अधिक कारखाने बंद असल्याने तेथे मोठ्या प्रमाणात विजेची घट नोंदविली गेली.

वीजपंपांचा वापर मोठ्या प्रमाणात

"लॉकडाउन'मुळे नागरिक घरांमध्येच बसून असल्याने टीव्ही, इस्त्री, पंखे, एसी, संगणक, मोबाईल चार्जिंग, फ्रीज, वॉशिंग मशिन आदी साहित्याचा वापर मोठ्या प्रमाणात वाढल्याने विजेच्या मागणीतही वाढ झाली आहे. या काळात शेतीसाठी मोठ्या प्रमाणात पाणी उपसले जाते. त्यासाठी वीजपंपांचा वापर मोठ्या प्रमाणात वाढला आहे. सर्वाधिक वीज खेचणारे साधन असल्याने शेती क्षेत्रात विजेचा वापर वाढल्याचे वीज वितरण कंपनीच्या अधिकाऱ्यांनी सांगितले.

हेही वाचा > "चहापाणी घ्या पण आम्हाला जाऊ द्या साहेब! कारमधील चौघांनी दाखवले पोलीसांना आमिष..अन् झाला मोठा खुलासा

कमी झालेला विजेचा वापर
- शहर व जिल्ह्यात विजेची मागणी ः 1800-2000 मेगावॉट
- विजेचा कमी झालेला सरासरी वापर ः 40 टक्के
- घरगुती 250, औद्योगिक 300 तर, शेतीसाठी 450 मेगावॉट विजेची मागणी

हेही वाचा > पोल्ट्री फार्मवर सकाळी गेलेला युवक रात्री परतलाच नाही..भावाने फार्मच्या फटीतून पाहिले तर धक्काच!