नाशिक/सातपूर : सर्वथा नव्या रूपातील ‘थार’चे अनावरण करून आज आम्ही पुन्हा इतिहास लिहिला आहे. आमच्या ‘एसयूव्ही’च्या वारशाचा आम्हाला अभिमान आहे. १९५०पासून आपल्या सैन्यदलाची सेवा करीत देशाच्या स्वातंत्र्याचे रक्षण करण्यास या एसयूव्ही कायम सज्ज असतात. त्याचवेळी साहस व जीवनशैली यांचे प्रतीक म्हणूनही त्या दिमाखात वावरतात. नवी थार ही मजा, स्वातंत्र्य यांची अभिव्यक्ती करते. नव्या साहसी प्रवासासाठी ती अगदी सुसज्ज आहे. थारच्या पारंपरिक चाहत्यांना ही नवीन गाडी आकर्षित करेलच, शिवाय थार आपल्या मालकीची असावी, अशी इच्छा बाळगणाऱ्या सर्वांना ती आनंद देईल, असे महिंद्र ॲन्ड महिंद्रचे व्यवस्थापकीय संचालक व मुख्य कार्यकारी अधिकारी डॉ. पवन गोयंका यांनी सांगितले. 

हेही वाचा > क्रूर नियती! "बाबा..तुमच्या दशक्रियेला नाही येऊ शकले..म्हणून तुमच्याकडेच आले" वडिलांमागे लेकीचीही अंत्ययात्रा

कच्च्या रस्त्यांवर धावण्याची उत्कृष्ट क्षमता व आयकॉनिक डिझाइनचा अनोखा संयोग असलेल्या महिंद्र ॲन्ड महिंद्रतर्फे ‘थार’ या नव्या रूपातील ‘एसयूव्ही'चे शनिवारी (ता. १५) मोठ्या दिमाखात अनावरण झाले. त्या वेळी ते बोलत होते. ते म्हणाले, की थारमध्ये जागतिक दर्जाची एसयूव्ही असून, कार्यक्षमता, आरामदायीपणा, तंत्रज्ञान व सुरक्षा यांबाबत कोणतीही तडजोड करण्यात आलेली नाही. नवीन ‘थार’ हे वाहन येत्या २ ऑक्टोबरला बाजारात सादर करण्यात येईल, असेही त्यांनी या वेळी नमुद केले. महिंद्र ॲन्ड महिंद्रचे ऑटो ॲन्ड फार्म सेक्टर्सचे कार्यकारी संचालक राजेश जेजुरीकर म्हणाले, की संपूर्णपणे नवीन असलेली ही थार तिच्या बँडचे मूल्य वाढविणार आहे. तिच्या पूर्वीच्या चाहत्यांनाच नव्हे, तर नवीन ग्राहकांनाही ती आकर्षित करेल.  

हेही वाचा > "कृष्णाचा जन्म जेलमध्ये झाला तेव्हा तुला जेलबाहेर पडायचंय?" सरन्यायाधीश बोबडेंचा आरोपीला प्रश्न; कोर्टात मजेशीर वातावरण

संपादन - रोहित कणसे