नाशिक : (मालेगाव) शहरात कोरोनाचा उद्रेक सुरू असतांनाच, गेल्या आठवड्यात कोरोनामुक्त होत असलेल्या रूग्णांची संख्याही वाढते आहे. रुग्णालयातील डॉक्टरांचे परिश्रम, परिचारिका, वॉर्डबॉय आदींचे सहकार्य, आरोग्य कर्मचारींची अहोरात्र मेहनत आणि वैद्यकीय उपचारांना प्रतिसाद देणारे रुग्ण याचा प्रत्यय म्हणूनच 26 एप्रिल ते 4 मे पर्यंतच्या 9 दिवसात 28 रुग्ण उपचार घेऊन कोरोनामुक्त झाले. त्यांना रुग्णालयातून घरी सोडण्यात आल्याची माहिती आयुक्त त्र्यंबक कासार यांनी दिली आहे. 

रमजान पर्वाच्या सुरवातीलाच तीन रूगण कोरोनामुक्त

शहरवासीयांसह सर्वांसाठी ही दिलासादायक बाब आहे. येथील बाधित रुग्णांची संख्या जरी वाढत असली तरी रुग्ण उपचारासाठी वेळेवर दवाखान्यात आले, तर त्यांना बरे करण्याची पूर्ण क्षमता आरोग्य प्रशासनात आहे. उपचारासाठी दाखल रुग्णालयातील सर्व रुग्णांची प्रकृती सुधारत असून, इतर सर्व कोरोना रुग्णही या रुग्णांप्रमाणे लवकर बरे होतील, बरे होणाऱ्यांची संख्या वाढते आहे. नागरिकांनी प्रशासनास सहकार्य करावे, सूचनांचे पालन करा, नक्कीच सर्वांना लवकर दिलासा मिळेल. नागरिकांनी विनाकारण घराबाहेर पडू नये. भीती न बाळगता अथवा गैरसमज न ठेवता आजाराची लक्षणे आढळल्यास तातडीने दवाखान्याशी संपर्क साधावा असे आवाहन श्री. कासार यांनी केले आहे. 26 एप्रिलला अक्षय तृतीयेच्या मुहूर्तावर आणि पवित्र रमजान पर्वाच्या सुरवातीलाच तीन रूगण कोरोनामुक्त झाले होते. 

हेही वाचा > पोल्ट्री फार्मवर सकाळी गेलेला युवक रात्री परतलाच नाही..भावाने फार्मच्या फटीतून पाहिले तर धक्काच!

नागरिकांनी प्रशासनाच्या सर्व सूचना पाळल्या, काळजी घेतली, सामाजिक अंतर पाळले, अफवांना बळी न पडल्यास लवकरच आपण हे युद्ध जिंकून मालेगाव शहर कोरोनामुक्त करू म्हणून प्रशासनास सहकार्य करा सूचनांचे पालन करा. आपली व आपल्या परिवाराची आणि पर्यायाने आपली गल्ली, भाग व शहराची काळजी घ्या. कोरोनाविरुद्धच्या युद्धात एक स्वयंसेवक सैनिक म्हणून घरी राहूनच सहभागी व्हा. असे आवाहन उपायुक्त नितीन कापडणीस यांनी केले आहे. 

हेही वाचा > "चहापाणी घ्या पण आम्हाला जाऊ द्या साहेब! कारमधील चौघांनी दाखवले पोलीसांना आमिष..अन् झाला मोठा खुलासा