नाशिक/ मालेगाव : उत्तर महाराष्ट्रातील कोरोना हॉटस्पॉट मालेगावमध्ये बाधितांचे शतक झाले आहे. गुरुवारी सकाळी ५ जणांचे अहवाल पॉझिटिव्ह आले. त्यामुळे शहरातून कोविड-१९ चा संसर्ग झालेल्या व्यक्तीची संख्या १०१ झाली. बुधवारी (ता. २२) दिवसभरात १०६ रिपोर्ट निगेटिव्ह प्राप्त झाले आहेत. परंतु मालेगावकरांच्या दृष्टीने बुधवार तसा काहीसा दिलासादायक म्हणावा लागेल.. तर एका बाधितासह चौघांचा मृत्यू झाला होता. परंतु, गुरुवारी सकाळी ४७ वर्षीय दोन, ३७, ७० व ४४ वर्षीय अशा पाच संशयितांना कोरोनाची बाधा झाल्याचे निष्पन्न झाले. हे पाचही हाय रिस्क संपर्कातील व वेळीच क्वारंटाइन केलेले होते. दुसरीकडे मृतांची आकडेवारी ही दशकस्थानी पोहोचली आहे. शहरात ८ एप्रिलला पहिले पाच रुग्ण आढळले होते. हा आलेख शंभरीपर्यंत उंचावण्यास फक्त १५ दिवस लागले. यावरून शहरात कोरोना विषाणूंचा प्रादुर्भाव किती झपाट्याने वाढत असल्याचे स्पष्ट होते.

हेही वाचा > धक्कादायक! "पुढच्या जन्मी आपण एकाच आईच्या पोटी जन्म घेऊ"..चिठ्ठीत कोरोनाची भीती अन्‌ नैराश्‍य ​

 मालेगाव शहरातील कोरोनाबाधित रुग्ण व मृतांची संख्या दिवसेंदिवस वाढत असल्याने राज्य शासनाने मालेगाव शहरासाठी विशेष उपाययोजना करण्याची गरज निर्माण झाली आहे. बुधवारी (ता. २२) जीवन हॉस्पिटल व सामान्य रुग्णालयात उपचारार्थ प्रत्येकी दोन, असे चार जणांचा मृत्यू झाला. मंगळवारी (ता. २१) मध्यरात्रीपर्यंत आलेल्या रिपोर्टमध्ये ११ रुग्ण पॉझिटिव्ह निष्पन्न झाले होते. मालेगावात बुधवारी झालेल्या मृतांमध्ये नयापुरा भागातील ४५ वर्षीय पुरुष व हाजी अहमदपुरा भागातील ४९ वर्षीय महिला, बेलबाग भागातील दोन जणांचा समावेश आहे. बुधवारी मृत झालेल्या पुरुषाला मधुमेहचा त्रास होता. तीन दिवसांपूर्वी त्यांना जीवन हॉस्पिटलला दाखल करण्यात आले होते. 

हेही वाचा > एक सुशिक्षित डॉक्टर अन् तान्ह्या जुळ्या मुलांची आई आणि आत्महत्या??? गूढ काय?