Nashik Manoj Jarange Patil : मराठा आरक्षणातील लढाऊ शिलेदार जालन्याच्या आंतरवेली सराटी येथील मनोज जरांगे-पाटील रविवारी (ता. ८) सायंकाळी सहा वाजता नाशिकच्या जिल्हा न्यायालयासमोरील शिवतीर्थावर मराठा उपोषणकर्त्यांची भेट घेऊन उपस्थित समुदायाला मार्गदर्शन करणार आहेत. (Manoj Jarange Patil in Nashik on 8 oct news)

यावेळी जरांगे पाटील यांचे स्वागत वारकरी टाळ मृदुंगाच्या गजरात केले जाणार आहे. यावेळी शिवव्याख्याते हभप कृष्णा महाराज धोंडगे (दुगावकर) यांचे मराठा आरक्षण विषयावर कीर्तन होईल. जिल्ह्यातील मराठा बांधवांनी उपस्थित राहण्याचे आवाहन सकल मराठा समाजाच्या वतीने करण्यात आले आहे.

नाशिकमध्ये नाना बच्छाव, राम खुर्दळ, चंद्रकांत बनकर, नितीन रोठे पाटील, योगेश नाटकर, संजय फड, कैलास खांडबहाले, डॉ. अजित तिदमे, योगेश कापसे, श्रीराम निकम, विकी देशमुख, संजय देशमुख, चंद्रकांत बच्छाव, संदीप खुंटे पाटील, राम गहिरे, शरद लभडे, संदीप बरहे, विकी गायधनी, ज्ञानेश्वर सुरासे, महिंद्र बेहरे, प्रकाश चव्हाण, गणेश पाटील, विशाल निकम, भास्कर पाटील, यासह अनेक जण उपोषणात सहभागी आहेत.