नाशिक : एक भाकरी खायची तर अर्धीच खाऊ...पण हे आयते दुखणे नको म्हणून लोक गावाकडे परते आहेत. त्यातच शिक्षण, नोकरीसाठी बाहेरगावी गेलेल्या लोकांपैकी कित्येक लोक आपलं गावचं शेत बरं म्हणून पुन्हा शेतात आले आहेत. एक मात्र नक्की आहे की कोरोनाने माणसाला आयुष्याची किंमत काय हे पटवून दिले आहे. अनेकांकडून तर 'शहराच्या चकाचौध पेक्षा गड्या आपला गावच बरा' अशी प्रतिक्रीया उमटत आहेत.

थेट शेतमळ्यांचा रस्ता धरला

मालेगावात कोरोना रुग्णांची संख्या सव्वाशेपर्यंत पोचली आहे. सुरवातीचे काही दिवस कोरोना रुग्ण शहराच्या मुस्लिम बहुल पूर्व भागातच आढळून आले. त्यामुळे कॅम्प, संगमेश्‍वरचा पश्‍चिम भाग निवांत होता. मात्र गेल्या आठवड्यापासून पश्‍चिम भागातही रुग्ण आढळल्याने संपूर्ण शहर कोरोनाच्या दहशतीखाली आहे. शहराच्या पश्‍चिम भागातील सोयगाव, नववसाहत, कलेक्‍टर पट्टा आदी भागात गेल्या दहा वर्षांत शेकडो नवीन वसाहती आकाराला आल्या आहेत. मोठे शेतकरी व नोकरदारांनी मुलांच्या शिक्षणासाठी सोय म्हणून या भागात घरे घेतली आहेत. काही जण व्यवसायानिमित्त शहरात आले आहेत. कोरोनाने मालेगावात थैमान मांडल्याने शहरात गेलेल्या मंडळींनी पुन्हा थेट शेतमळ्यांचा रस्ता धरला आहे. 

हेही वाचा > धक्कादायक! टेम्पोवर बोर्ड अत्यावश्यक सेवेचा...अन् आतमध्ये मात्र भलतंच

कोरोना विषाणूचा संसर्ग एकमेकांच्या संपर्कात आल्याने होतो. यासाठी काही दिवस शेतात राहणे सर्वांत सुरक्षित आहे. पंधरा दिवसांपासून कुटुंबीयांसह तळवाडे येथील शेतमळ्यात राहात आहे. - नीलेश काकडे, माजी नगरसेवक, मालेगाव  

हेही वाचा > रंगात आला डाव...पण पोलिसांना बघून टांगा पलटी घोडे फरार...अन् मग चांगलीच झाली फजिती!