Nashik Winter Update: वातावरणात गारवा टिकून असताना पाऱ्यात सातत्‍याने घसरण सुरु आहे. रविवारी (ता.१०) नाशिकचे किमान तापमान १५.३ अंश सेल्‍सिअस नोंदविले गेले.

दिवसाच्‍या वेळी कोवळे ऊन आणि रात्रीच्‍या वेळी गार वाऱ्याची अनुभूती नाशिककरांना आली. (minimum temperature of 15.3 degrees Celsius was recorded in nashik news)

यंदाच्‍या हंगामात नाशिकचे किमान तापमान १४.५ अंश सेल्‍सिअसपर्यंत खालावलेले होते. परंतु त्‍यानंतर वातावरणीय बदलांमुळे तापमानात पुन्‍हा वाढ झाली होती. ढगाळ वातावरण व तीव्र उन्‍हामुळे किमान तापमान २० अंश सेल्‍सिअसच्‍या सुमारास राहात होते.

परंतु गेल्‍या आठवड्याभरापासून सातत्‍याने पारा उतरतो आहे. रविवारी (ता.१०) नाशिकचे किमान तापमान १५.३ अंश सेल्‍सिअस नोंदविले गेले.

तर कमाल तापमान २९.८ अंश सेल्‍सिअस होते. सायंकाळी वातावरणात वाहत असलेल्‍या गार वाऱ्यामुळे थंडीची तीव्रता अधिक प्रमाणात जाणवत होती.