मालेगाव (जि.नाशिक) : चिंचावड (ता. मालेगाव) येथे मामाकडे मोठ्या विश्वासाने शिक्षणासाठी ती भाची आपल्या मामाकडे आली होती. पण तिला तरी काय माहित? सख्खा मामाच तिच्यासोबत विश्वासघात करणार आहे.
मामाने केला विश्वासघात!
चिंचावड (ता. मालेगाव) येथे मामाकडे मोठ्या विश्वासाने शिक्षणासाठी आलेल्या अल्पवयीन भाचीचा मामाने गावातील ओळखीच्या तरुणाशी विवाह लावून दिला. मुलीच्या आई-वडिलांना विश्वासात न घेता मामाने संगनमत करून विश्वासघात करीत गावातीलच तरुणाशी विवाह करून दिला. भिकाबाई अहिरे (वय ४५, रा. कौळाणे, ता. मालेगाव) यांनी १५ वर्षे वयाच्या मुलीला शिक्षणासाठी चिंचावड येथे भाऊ दादाजी ऊर्फ पिंटू बच्छाव याच्याकडे पाठविले. मामाने अल्पवयीन भाचीचे वैभव निकम (रा. चिंचावड) याच्याशी लग्न लावून दिले.
मुलीच्या आईला समजला प्रकार; सहा जणांविरुद्ध पोलिसांत गुन्हा
मुलीच्या आईला हा प्रकार समजल्यानंतर अहिरे यांनी भाऊ पिंटू बच्छाव, वर वैभव निकम, वरपिता ज्ञानेश्वर निकम, पुरोहित राजेंद्र कुलकर्णी, वराची आई व वराचा मित्र (दोघांची नावे समजू शकली नाहीत, सर्व रा. चिंचावड) या सहा जणांविरुद्ध तक्रार दिली. २२ मार्चला चिंचावड येथे विवाह पार पडल्याचे तक्रारीत म्हटले आहे. या प्रकरणी मामा, वर, वरपिता, पुरोहितसह वराचा मित्र अशा सहा जणांविरुद्ध तालुका पोलिसांत गुन्हा दाखल करण्यात आला
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.