नाशिक : जयभवानी रोडवरील जेतवननगरात लहान मुलाच्या अंगावर कुत्रा धावून आल्याच्या कारणावरून दोन गटांत हाणामारी होऊन दगडफेक झाली. याप्रकरणी दोन गटांत परस्परविरोधी गुन्हे दाखल करण्यात आले. 

असा आहे प्रकार

श्रीकांत वाकोडे (रा. जेतवननगर) यांच्या फिर्यादीनुसार, त्यांची लहान मुले अंगणात खेळत असताना शेजारील संशयित सुनीता आवारे यांचा कुत्रा मुलांच्या अंगावर धावून गेला. वाकोडे यांनी आवारे यांना समजावून सांगण्यासाठी गेले असता, याचा राग येऊन संशयित सुनीता आवारे, आकाश आवारे, साहील आवारे, राजू दिवे यांनी त्यांना शिवीगाळ करीत मारहाण केली. तसेच कुऱ्हाडीने मारून जखमी केले. तर सुनीता आवारे यांच्या फिर्यादीनुसार, जुन्या भांडणाची कुरापत काढून बारकू वाकोडे, राजू पगारे, सनी पगारे, राहल खरे यांनी शिवीगाळ करीत त्यांना मारहाण केली. तसेच त्यांच्या घरावर दगड फेकून तोडफोड केली. 

हेही वाचा > एक सुशिक्षित डॉक्टर अन् तान्ह्या जुळ्या मुलांची आई आणि आत्महत्या??? गूढ काय?

शुल्लक कारणावरुन विकोपाला गेलेल्या याप्रकरणी उपनगर पोलिसांत परस्परविरोधी गुन्हे दाखल करण्यात आले. 

हेही वाचा > GOOD NEWS : कोरोनापासून बचाव करणाऱ्या 'सुरक्षाकवच'ची होतेय नाशिकमध्ये निर्मिती...पाहा हा व्हिडिओ