नाशिक : (दिक्षी) निफाड तालुक्‍यातील ज्या शेतकऱ्यांचे द्राक्षे बाकी आहेत, त्यांनी बेदाणा निर्मिती करावी, असे आवाहन आमदार दिलीप बनकर यांनी प्रसिद्धिपत्रकाद्वारे केले आहे. बेदाणा निर्मितीसाठी लागणारे मटेरियल जास्त भावात विक्री करत असल्यास मला संपर्क करा, असे आवाहन आमदार बनकर यांनी केले.

हीच परिस्थिती राहिली तर साठवलेला माल विक्री करणे मुश्‍कील

निफाड तालुक्‍यात शिल्लक द्राक्षांची विक्री कशी करावी, यासाठी शासनस्तरावर प्रयत्न केला जात असून, एक्‍स्पोर्ट द्राक्षबागांसाठी ट्रान्स्पोर्ट सुविधा देणे, शेतीमाल वाहतूक वाहनांना पास देत आहेत. परंतु द्राक्षे परराज्यात विक्रीस पाठवूनही ग्राहकच नसल्याने व्यापारी द्राक्ष खरेदी करत नाहीत. द्राक्ष नाशवंत आहेत. त्यामुळे तत्काळ विक्री होणे गरजेचे आहे. निफाड तालुक्‍यातील कोल्ड स्टोअरही पूर्ण क्षमतेने भरले आहे. हीच परिस्थिती राहिली तर साठवलेला माल विक्री करणे मुश्‍कील होईल. यासाठी शेतकऱ्यांनी आपल्या घरीच द्राक्षांपासून बेदाणे तयार करावेत. यासाठी अनुदान उपलब्ध करून देण्यासाठी शासन स्तरावर प्रयत्न करणार असल्याची माहितीही आमदार बनकर यांनी दिली. 

हेही वाचा > लॉकडाउन दरम्यान पहाटे संशयास्पद कंटेनरला पोलीसांनी अडवला...झडती घेतली तेव्हा धक्काच!

बेदाणा निर्मितीसाठी लागणारे पोटॅशियम कार्बोनेट, डिपिंग ऑइल, गंधक आदी पिंपळगाव बसवंत येथे उपलब्ध करून दिल्याची माहितीही त्यांनी दिली. बेदाणा निर्मितीसाठी लागणारे मटेरियल जास्त भावात विक्री करत असल्यास मला संपर्क करा, असे आवाहन आमदार बनकर यांनी केले.

हेही वाचा > धक्कादायक! दाम्पत्य दिवसभर घरातच बसायचे अन् रात्री घराबाहेर फिरायचे...कस्तुरबा रुग्णालयातील नर्सचे इगतपुरी कनेक्‍शन..