नाशिक : जिल्ह्यातील ग्रामपंचायत निवडणुकीचा उमेदवारी अर्ज भरण्याचा बुधवार (ता. ३०)चा अखेरचा दिवस असल्याने दोन दिवसांपासून सर्व्हर डाउनमुळे त्रस्त असलेल्या गावोगावच्या भावी कारभाऱ्यांनी तहसील कार्यालयाच्या आवारात जणू यात्रा भरली होती. अखेरच्या दिवशी तब्बल दहा हजार इच्छुकांनी अर्ज दाखल केले. त्यामुळे एकूण उमेदवारी अर्ज दाखल केलेल्यांची संख्या १५ हजार १८ इतकी झाली आहे. 

उमेदवार आणि त्यांचे समर्थक सगळ्यांनाच प्रतीक्षा करावी लागत असल्याने जागोजागी बैठकांचे फडही रंगले होते. सर्व्हर डाउनमुळे बुधवारी ऑफलाइन अर्ज स्वीकारण्यात आले. सायंकाळी साडेपाचची वेळ असली, तरी प्रचंड गर्दीमुळे उशिरापर्यंत इच्छुक रांगेत होते. त्यामुळे अखेरचा अर्ज दाखल होण्यासाठी उशिरापर्यंत कार्यालये गजबजलेली होती. जिल्ह्यात ६२१ ग्रामपंचायतींमध्ये ही रंगत आहे. त्यात, तालुक्यातील मोठ्या ग्रामपंचायतींत प्रस्थापितांविरोधात तरुणांनी दंड थोपटल्याने चुरशीच्या लढती होत आहेत. ६२१ ग्रामपंचायतींसाठी १५ हजार १८ उमेदवारांनी अर्ज दाखल केले आहेत. 

हेही वाचा - सावधान! आतापर्यंत पक्ष्यांच्या जिवावर बेतणारे प्रकार आता माणसांवरही; महिलेचा बळी

तालुका ग्रामपंचायती उमेदवारी अर्ज 

नाशिक २५ १,०५० 
त्र्यंबकेश्वर ०३ ५० 
दिंडोरी ६० १,३१७ 
इगतपुरी ०८ १४७ 
निफाड ६५ १,७१७ 
सिन्नर १०० २,२७५ 
येवला ६९ १,७८६ 
मालेगाव ९९ १,९८० 
नांदगाव ५९ १,४६७ 
चांदवड ५३ १,१४७ 
कळवण २९ ६०७ 
बागलाण ४० १,१३५ 
देवळा ११ ३४० 
एकूण ६२१ १२,८८० 

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप