नाशिक/मालेगाव : मालेगावमध्ये कोरोनाचे थैमान सुरूच असून, रविवारी (ता. 19) रात्री आलेल्या 19 अहवालांत आठ रुग्ण कोरोना पॉझिटिव्ह आढळून आले आहेत. यात मोतीबाग नाका भागातील तीन आणि पश्‍चिम भागातील जाधवनगर व संजय गांधीनगर, तसेच पूर्व भागातील इस्लामपुरा, नयापुरा व हजारखोली भागातील प्रत्येकी एका रुग्णाचा समावेश आहे. दरम्यान, नाशिकच्या गोविंदनगर परिसरातील मनोहरनगर येथील रुग्ण आता कोरोनामुक्त झाल्याने नाशिककरांना दिलासा मिळाला आहे. 

मालेगावमध्ये आणखी आठ कोरोना पॉझिटिव्ह 

नाशिक जिल्ह्यात दिवसभरात कोरोनाचे 14 रिपोर्ट निगेटिव्ह आल्यानंतर, रात्री मालेगावचे आठ रिपोर्ट पॉझिटिव्ह आल्याने कोरोनाबाधितांची संख्या 99 वर पोचली आहे. त्यात तब्बल 85 रुग्ण मालेगावचे असून, आतापर्यंत सहा जणांचा मृत्यू झाला आहे. दरम्यान, मालेगावचे 30 आणि नाशिकचे 19 रिपोर्ट निगेटिव्ह आले आहेत. कोरोनाने कॅम्प वगळता संपूर्ण मालेगाव शहर कवेत घेतले आहे. नागरिकांनी सूचनांचे पालन न केल्यास व योग्य ती खबरदारी घेतली नाही, तर परिस्थिती हाताबाहेर जाण्याची शक्‍यता आहे. दुसरीकडे गोविंदनगरचा रुग्ण कोरोनामुक्त झाल्याने जिल्हावासीयांच्या दृष्टीने ही दिलासादायक बाब मानली जात आहे. या 44 वर्षीय रुग्णाचा तिसरा रिपोर्टही निगेटिव्ह आला आहे. तत्पूर्वी शनिवारी (ता. 18) रात्री प्राप्त झालेल्या दहा पॉझिटिव्ह रिपोर्टपैकी दोन रुग्णांचा आधीच मृत्यू झालेला आहे. त्यामुळे जिल्ह्यात कोरोनामुळे मृतांचा आकडा सहा झाला आहे. त्याचवेळी नाशिकचा दुसरा रुग्णही कोरोनामुक्त झाल्याने आरोग्य विभागाला मोठा दिलासा मिळाला असून, येत्या दोन दिवसांत त्यांना डिस्चार्ज देण्यात येणार आहे. 

हेही वाचा > GOOD NEWS : कोरोनापासून बचाव करणाऱ्या 'सुरक्षाकवच'ची होतेय नाशिकमध्ये निर्मिती...पाहा हा व्हिडिओ

जिल्ह्यातील सद्यःस्थिती 
* एकूण कोरोनाबाधित रुग्ण ः 99 
* मालेगाव ः 85 
* नाशिक शहर ः दहा 
* उर्वरित जिल्हा ः चार 
* उपचार सुरू : 92 
* मृतांची संख्या : सहा 
* कोरोनमुक्त : एक  

हेही वाचा > एक सुशिक्षित डॉक्टर अन् तान्ह्या जुळ्या मुलांची आई आणि आत्महत्या??? गूढ काय?