MRF Supercross Competition : गॉडस्पीड रेसिंग या संस्थेतर्फे झालेल्या स्पर्धेत एमआरएफ मोग्रीप एफएमएससीआय राष्ट्रीय सुपरक्रॉस विजेतेपद स्पर्धेत टीवीएस पेट्रोनास टीमच्या प्रज्ज्वल विश्वनाथ याने अफलातून रायडींग करत विजेतेपद पटकावले.

सिटी सेंटर मॉलजवळील ठक्कर मैदानावर रविवार (ता. ७) सकाळी व्रूमऽऽ.. व्रूमऽऽ..चा थरार नाशिककरांना अनुभवायला मिळाला. (MRF Supercross Competition thrill Prajwal Vishwanath wins nashik news)

सर्वोत्तम दुचाकी रायडर्स सहभागी असलेल्या या स्पर्धेत ८० स्पर्धकांनी गाड्यांच्या कसरती केल्या. एसएक्स १ या विदेशी बनावटीच्या मोटारसायकलसाठीच्या गटात अटीतटीची लढत बघायला मिळाली.

यात विदेशी बनावटीच्या गाड्या तसेच, देशी गाड्यांचा सहभाग होता. ही स्पर्धा एकूण नऊ गटात झाली. सुपरक्रॉस हा कृत्रिमरीत्या बनवलेल्या मार्गावर वाकदार वळणे व छोटे मोठे उंचवटे बनवलेले असतात.

उंचवट्यावरून उंचच उंच उड्या मारत जाणारे स्पर्धक हा मोठा आकर्षणाचा भाग असतो. या मार्गावर १२ जम्पस्‌, १ टेबलटॉप, १ कट टेबलटॉप असल्यामुळे प्रेक्षकांना अनेक कसरती बघायला मिळाल्या. स्पर्धेचे नियोजन श्‍याम कोठारी, सूरज कुटे यांनी केले.

हेही वाचा : संतुलित आहारातून रोखा फॅटी लिव्हरचा आजार

स्पर्धेचा निकाल

क्लास १ : प्रज्ज्वल विश्वनाथ, ऋग्वेद बारगुजे, श्लोक घोरपडे

क्लास २ : श्लोक घोरपडे, प्रणव बी. के., जय जाधव

क्लास ३ : करणकुमार एम., शैलेश कुमार, सचिन डी.

क्लास ४ : राजेश स्वामी, पुष्कर घोरपडे, पिणेश ठक्कर

क्लास ५ : इम्रान पाशा, सचिन डी., करणकुमार एम.

क्लास ६ : पोमीन व्ही. आर., एल्डहोसे बेंनी, पुष्कर घोरपडे

क्लास ७ : श्लोक घोरपडे, विल्मर व्हॅलेन्टिनो, जितेंद्र सांगावे

क्लास ८ : भैरव सी, सुजन जे, दर्शित चव्हाण

डेमोंस्ट्रेशन क्लास : विस्मय राम, रीड सय्यद