नाशिक : कोरोनाग्रस्तांच्या मृत्यूनंतर पार्थिवावर अंत्यसंस्कार करताना होणारा विलंब लक्षात घेता महापालिकेतर्फे समन्वयासाठी हेल्पलाइन क्रमांक प्रसिद्ध केला आहे. दिलेल्या क्रमांकावर संपर्क साधण्याचे जनतेला आवाहन केले आहे.

या क्रमांकावर संपर्क साधण्याचे आवाहन

जिल्ह्यात कोरोनाबाधितांच्‍या संख्येत लक्षणीय वाढ होत असल्याचे चित्र पहायला मिळत आहे. त्यातच मृतांची एकूण संख्या ५४५ झाली आहे.  कोरोनाग्रस्तांच्या मृत्यूनंतर पार्थिवावर अंत्यसंस्कार करताना होणारा विलंब लक्षात घेता महापालिकेतर्फे समन्वयासाठी हेल्पलाइन क्रमांक प्रसिद्ध केला आहे. ०२५३-२३१७२९२ या क्रमांकावर संपर्क साधण्याचे आवाहन केले आहे. त्याव्यतिरिक्त अमरधाम समन्वयक मेहबूब शेख- ८०८७९५१८७५ (दिवसपाळी) व संतोष गायकवाड- ९०२२०६९८२२ (रात्रपाळी) यांच्याशी, तसेच ९६०७४३२२३३ या क्रमांकावर संपर्क साधण्याचे आवाहन करण्यात आले आहे.

हेही वाचा > जेव्हा साधु महाराजांच्या कुटियाच्या आवारातच घडतो धक्कादायक प्रकार...पोलीसांनी केला खुलासा

या क्रमांकावर नागरिकांना शववाहिका, तसेच विद्युत व गॅस शवदाहिनीच्या उपलब्धतेबाबत माहिती मिळेल. योग्य समन्वय होऊन तातडीने मृतांच्या पार्थिवावर अंत्यसंस्कार होणे गरजेचे असल्याने हेल्पलाइन क्रमांक देण्यात आल्याचे कळविण्यात आले आहे.

हेही वाचा > धक्कादायक! रुग्णाच्या मृत्यूनंतर नातेवाईंकाकडून रुग्णालयाची तोडफोड....काय घडले नेमके? सीसीटिव्हीतून उघड

संपादन - किशोरी वाघ