नाशिक / मालेगाव : शहरातील आयेशानगर भागात मोबाईल चोरीच्या आरोपावरून हातमजुरी करणाऱ्या तरुणाला पिता-पुत्रासह चौघांनी लाथाबुक्क्यांनी बेदम मारहाण करून ठार केले. आयेशानगर भागातील गल्ली क्रमांक ९ येथे गुरुवारी (ता. १७) हा प्रकार घडला.
असा घडला प्रकार
चौघांच्या मारहाणीत मृत्यू झालेल्या दुर्दैवी तरुणाचे नाव सत्तार शेख इसाक (वय ३०, रा. गल्ली क्रमांक ९, घर क्रमांक २२०) असे आहे. सत्तारचे सासरे इसाक शाह यांच्या दुकानासमोरच त्यांच्या जावयाचा खून झाला. पोलिसांनी या खूनप्रकरणी तिघा संशयितांना रात्री अटक केली. सत्तार शेख याने मोबाईल चोरल्याचा आरोप करून त्याला बिसमिल्लानगरातील गल्ली क्रमांक पाच येथे राहणाऱ्या दाऊद शाह हैदर (६०), शाहरुख शाह दाऊद (२७) व साजीद शाह दाऊद (२३) या पिता-पुत्रासह एका अल्पवयीन तरुणाच्या मदतीने चौघांनी सत्तारला शिवीगाळ केली. त्यानंतर जमिनीवर पाडून त्याला लाथाबुक्क्यांनी बेदम मारहाण केली. मारहाणीत छातीला व डोक्याला जबर मुकामार लागल्याने तो जागीच ठार झाला.
हेही वाचा > मनाला चटका लावणारी बातमी : मुलाचा विरह अन् आई-वडिलांसह तिघांची निघाली अंत्ययात्रा; परिसरात हळहळ
सासऱ्याच्या दुकानासमोर जावयाचा खून
घटनेचे वृत्त समजताच अपर पोलिस अधीक्षक संदीप घुगे, उपअधीक्षक रत्नाकर नवले, पोलिस निरीक्षक बाळासाहेब थोरात यांनी घटनास्थळी भेट दिली. पोलिसांनी संशयितांची नावे घेऊन तातडीने त्यांचा शोध घेतला. अल्पवयीन तरुण वगळता शाहरुख, साजीद व दाऊद या तिघांना अटक केली. मृताची पत्नी परवीनबानो सत्तार शेख हिच्या तक्रारीवरून चौघांविरुद्ध रमजानपुरा पोलिस ठाण्यात खुनाचा गुन्हा दाखल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.