नाशिकच्या हायस्कूल ग्राऊंडवर सध्या जिल्हा परिषद कर्मचारी क्रीडा स्पर्धा सुरू आहेत. वर्षभर टेबलावर काम करणारे कर्मचारी मोठ्या प्रमाणावर सांघिक व वैयक्तिक गटात सहभागी झाले आहेत. खेळाचा काहीजण नियमित सराव करणारे, तर काही पहिल्यांदाच मैदानात उतरलेले. (Naroshankarachi ghanta woman zp sports competition sakal special nashik news)

महिलांची थाळी फेक सुरू झाली. दोन-तीन महिलांनी चांगलीच लांब थाळी फेकली गेली. त्यानंतर आलेल्या महिला स्पर्धकाने थाळी घेतली. जाड जुड थाळी, भोवती लोखंडी कडा असलेली ही थाळी दोन तीनवेळा उजवी कडून डावीकडे, डावीकडून उजवीकडे केली आणि आहे नाही तेवढी शक्ती एकवटून ती थाळी जोरात फेकली.

पण ती थाळी मैदानाकडे न जाता थेट भोवती उभ्या असलेल्या प्रेक्षकाच्या डोक्यात आदळली. तो बिचारा जोराने आई ग असं किंचाळला अन मटकन खाली बसला. स्पर्धा पाहणारे आणि खेळणारे सर्वच जण त्याच्याकडे पळाले आणि काही काळापुरती स्पर्धा थांबली.