Nashik News : नाशिक विभाग शिक्षक मतदारसंघ निवडणूक २०२४ ची नामनिर्देशनपत्रांच्या छाननीची प्रक्रिया शांततेत पार पडली. ३१ मे ते ७ जून या कालावधीत ३८ उमेदवारांनी ५३ नामनिर्देशनपत्रे दाखल केली होती. त्यांपैकी ३६ उमेदवारांचे अर्ज वैध व दोन उमेदवारांचे अर्ज अवैध ठरले आहेत, अशी माहिती निवडणूक निर्णय अधिकारी तथा विभागीय आयुक्त डॉ. प्रवीण गेडाम यांनी दिली. (Applications of 2 out of 38 candidates invalid in teacher constituency election)

अमोल बाळासाहेब दराडे आणि सारांश महेंद्र भावसार यांचे वय ३० वर्षांपेक्षा कमी वय असल्याने त्यांची नामनिर्देशनपत्रे अवैध ठरली आहेत. किशोर भिकाजी दराडे यांच्या शपथपत्राबाबत उमेदवार रणजित नानासाहेब बोठे यांच्या प्रतिनिधींनी आक्षेप घेतला होता.

तो कायदेशीर तरतुदीनुसार फेटाळण्यात आला. माजी आमदार किशोर दराडे यांच्या अर्जावर हरकत घेण्यात आली होती. (latest marathi news)

मात्र त्यांचा अर्ज छाननी करून वैध ठरविण्यात आला. ३६ उमेदवार वैधरीत्या नामनिर्दिष्ट (पास) झालेले आहेत. ज्या उमेदवारांना माघार घ्यावयाची असेल ते उमेदवार १२ जूनला दुपारी तीनपर्यंत उमेदवारी अर्ज मागे घेऊ शकतात.