नाशिक : कोरोना महामारीच्या काळात ‘ब्रेक द चेन’मोहिमेच्या नियमाखाली पोलिसांकडून सुरू असलेल्या अरेवारीच्या निषेधार्थ सोमवारी (ता. ३) नाशिक धान्य किराणा किरकोळ व्यापारी संघटनेने बंदचा इशारा दिला आहे.
संघटनेतर्फे या संदर्भात जिल्हाधिकारी सूरज मांढरे यांना निवेदन दिले असून, त्यानुसार पोलिसांच्या अडवणुकीविरोधात किराणा व्यावसायिकांनी दुकान बंद ठेवण्याचा निर्णय घेतला आहे. कोरोना निर्बंधांच्या काळात अत्यावश्यक सेवेत किराणा दुकाने उघडी ठेवण्यास शासनाने परवानगी दिली आहे. सकाळी सात ते अकरापर्यंत दुकान सुरू ठेवण्याचा नियम असल्याचे जाहीर झाले आहे. मात्र, शासनाच्या अटी व नियमांचे पालन करूनही जीवनावश्यक किराणा दुकानदारांची पोलिसांकडून अडवणूक होत असल्याची व्यावसायिकांची तक्रार आहे.
सकाळी सात ते अकरा दुकान सुरू ठेवण्यास परवानगी दिली असली तरी पोलिस आणि महापालिकेचे कर्मचारी दुकानात येऊन अरेरावी करतात. दुकान सील करण्याचा धाक दाखवीत दुकानदारांकडून वसुली केली जाते. दुकान वेळेत बंद केले नाही. दुकानातील लोकांनी मास्कच लावलेला नाही. अशा अडवणुकीमुळे उद्यापासून सर्व किराणा दुकानदारांनी दुकान बंद ठेवण्याचा निर्णय घेतल्याचे संघटनेने दिलेल्या निवेदनात म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.