नाशिक : महापालिका कर्मचाऱ्यांची अपुरी संख्या असली तरी कामाचा अतिरिक्त ताण सहन करूनही कर्मचारी तन्मयतेने काम करतं असल्याने पदोन्नतीच्या प्रक्रियेत शंभर टक्के पदोन्नती देण्याचे आश्‍वासन महापौर सतीश कुलकर्णी यांनी कर्मचायांना दिले. 

कर्मचाऱ्यांमध्ये उत्साहाचं वातावरण

महापालिका कर्मचाऱ्यांना पदोन्नती देण्यासाठी समिती गठीत करण्यात आली असून समितीच्या बैठका सुरु झाल्या आहेत. त्यापार्श्‍वभूमीवर महापौर कुलकर्णी यांनी आश्‍वासन दिले. चार जानेवारी २०१९ ते २०२१ पर्यंत विविध संवर्गातील पदोन्नतीचे कामकाज सुरू करण्यात आले असून कर्मचाऱ्यांना शंभर टक्के पद्धतीने पदोन्नती दिल्यास कर्मचाऱ्यांमध्ये उत्साहाचं वातावरण पसरून मनपा कामकाज सुरळीत चालण्यास मदत होणार असल्याने याकरिता आयुक्त कैलास जाधव यांना लेखी पत्र देऊन सेवा जेष्ठता तपासून शंभर टक्के पद्धतीने पदोन्नती देण्यास सुचित करण्यात आले आहे. तत्कालीन आयुक्त संजय खंदारे यांनी सन २०१३ रोजी पदोन्नती दिल्यानंतर गेली सात ते आठ वर्षापासून कर्मचारी पदोन्नतीपासून वंचित राहिले होते.

हेही वाचा >  निर्दयी मातेनेच रचला पोटच्या गोळ्याला संपविण्याचा कट; अंगावर काटा आणणारा संतापजनक प्रकार उघड 

कर्मचाऱ्यांना पदोन्नती मिळावी याकरिता पाठपुरावा 

महापालिकेला ब वर्ग मिळतं असल्याने जवळपास दीड ते दोन हजार विविध संवर्गातील पदे रिक्त होते. महापालिकेतून दर महिन्याला नियत वयोमानानुसार अधिकारी व कर्मचारी मोठ्या प्रमाणात सेवानिवृत्त होत असून कर्मचाऱ्यांची संख्या दिवसागणिक कमी कमी होत असल्याने कर्मचाऱ्यांना पदोन्नती मिळावी याकरिता अनेक कर्मचारी पाठपुरावा करीत असल्याने प्रशासनाला पदोन्नती समिती घेण्याबाबत आग्रही भूमिका घेतल्याने आता लवकरच विविध संवर्गातील सर्व कर्मचाऱ्यांना शंभर टक्के पद्धतीने पदोन्नती मिळणार असल्याचा दावा महापौर कुलकर्णी यांनी केला. 

हेही वाचा > साईबाबांच्या दर्शनाची इच्छा अपूर्णच; बाईकवरून शिर्डीवर निघालेल्या तीन तरुणांवर काळाचा घाला