नाशिक : विधान परिषदेच्या पदवीधर मतदारसंघाची निवडणूक जानेवारीअखेर होणार असल्याने त्याअनुषंगाने आचारसंहिता लागू करण्यात आली आहे. परिणामी महापालिकेचे अंदाजपत्रक आता विलंबाने स्थायी समितीवर सादर केले जाणार आहे.
महापालिकेचे अंदाजपत्रक प्रथेप्रमाणे आयुक्त स्थायी समितीला सादर करतात. स्थायी समितीमार्फत नव्या योजनांचा समावेश करून महासभेला अंदाजपत्रक सादर केले जाते. महासभेची मंजुरी मिळाल्यानंतर पुन्हा स्थायी समितीवर अंदाजपत्रक मंजूर होऊन अंमलबजावणी सुरू होते.
हेही वाचा: या महामार्गामुळं खरंच येईल 'समृद्धी'?
परंतु यासाठी जवळपास मे महिना उजाडतो. मात्र, असे असले तरी प्रशासनाकडून मात्र अंमलबजावणी सुरू होते. जानेवारी महिन्याच्या पहिल्या आठवड्यात जमा व खर्चाचा आढावा घेऊन सुधारित अंदाजपत्रक मंजूर केले जाते. यंदा मात्र प्रशासकीय राजवट असल्याने मार्च महिन्याच्या आत अंदाजपत्रक मंजूर करून अंमलबजावणी करण्याचे नियोजन महापालिका आयुक्त डॉ. चंद्रकांत पुलकुंडवार यांनी केले.
३० जानेवारीला स्थायी समितीला अंदाजपत्रक सादर करण्याचे नियोजन करण्यात आले. परंतु, विधान परिषदेच्या पदवीधर मतदारसंघाची निवडणूक घोषित झाल्याने त्याच दिवसापासून आदर्श आचारसंहितादेखील जाहीर झाली आहे. त्यामुळे आता ३० जानेवारी ऐवजी ४ फेब्रुवारीनंतर अंदाजपत्रक सादर केले जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.