चांदोरी : पावसाळा सुरू झाला, की त्यापाठोपाठ रस्त्यावर पडणारे खड्डे ही समस्या आलीच. वर्षानुवर्षे हाच अनुभव. पावसाळा संपल्यानंतरही चांदोरी त्रिफुली ते सायखेडा रस्त्याचे चित्र पाहता ‘रस्त्यात खड्डे आहेत, की खड्ड्यांत रस्ता आहे’, असा प्रश्न पडतो.

सायखेडा येथे बाजार समितीचे उपबाजार आवर असल्याने परिसरातील शेतकऱ्यांची नियमित रहदारी असते. गोदाकाठ भागाचे प्रवेशद्वार सायखेडा पूल आहे. या रस्त्यांवरून ये-जा करताना अनेकांच्या पोटात खड्डा येता. त्यानंतर ‘जपून जपून जपून जा रे... पुढे खड्डा आहे’, असेच म्हणावेसे वाटत आहे. (Nashik Road Damage potholes on Saikheda bridge)

एकदा सोशल मीडियावर आवाज उठविल्यानंतर आमदार दिलीप बनकर यांनी खड्डे बुजविण्याच्या सूचना दिल्या. त्यानंतर खड्डे बुजले.

मात्र, त्यानंतर पुन्हा जैसे थे परिस्थिती निर्माण झाली आहे. सार्वजनिक बांधकाम विभाग या रस्त्याकडे लक्ष देईल का, हा प्रश्न मात्र उरतो.