नाशिक : (नाशिक रोड) येथील जुनी घरे आणि वाड्यांचा प्रश्‍न सध्या गंभीर बनत चालला आहे. नाशिकरोड येथे अनेक जुनी घरे असून, ती ढासळण्याच्या स्थितीत आहेत, याकडे महापालिकेने गांभीर्याने लक्ष देण्याची गरज आहे. जुन्या वाड्यातील नागरिकांना सुरक्षित ठेवण्यासाठी धोकादायक घरे आणि वाड्यांचे पुनर्वसन करण्याची आवश्‍यकता आहे.
पन्नास ते सत्तर वर्षांपूर्वीची जुनी घरे मोडकळीस
महापालिका दर वर्षी वाड्यांना व जुन्या घरांना नोटिसा देते. मात्र नागरिक घरे खाली करीत नाही. जीव मुठीत घेऊन पोकळ वाड्यात राहतात. त्यामुळे हे वाडे कधीही कोसळले तर मोठ्या प्रमाणावर जीवितहानी होते. नाशिक रोडला गेल्या वर्षी काही जुनी घरे पडली होती, मात्र सुदैवाने जीवितहानी झाली नाही. अनेक पन्नास ते सत्तर वर्षांपूर्वीची जुनी घरे मोडकळीस आली असून, नागरिक अजूनही त्या धोकादायक घरांमध्ये वास्तव्य करीत आहेत.
या परिसराला आहे धोका
नाशिकरोड येथे देवळालीगाव, राजवाडा, विहितगाव, वडनेर रोड, रोकडोबावाडी, जय भवानी रोड येथील काही घरे, दसक येथील जुनी घरे, पंचक गावातील काही घरे, पवारवाडी, गोरेवाडी येथील काही वसाहती, सिन्नर फाटा येथील जुनी घरे अनेक दिवसांपासून कोलमडण्याच्या स्थितीत आहेत. विशेष करून देवळाली गावात जुन्या वाड्यांची संख्या मोठी आहे. लोहार गल्लीत जुने वाडे आहेत. नाशिक रोड येथील पोस्टाशेजारी असणाऱ्या झुलेलाल बॅंकेच्या शेजारील जुना वाडा वर्षभरापूर्वी कोसळला होता. दाटीवाटीने घरे असणारी काही वस्ती सध्या हायरिस्क झोनमध्ये आहे. अनेक दिवसांपासून काही नागरिक या वाड्यांमध्ये भाडेतत्त्वावर राहतात. ही घरे सोडली, तर पुन्हा घर मिळणार नाही, या भीतीपोटी ते फोकळ वाड्यात राहत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.