नाशिक : गेल्‍या काही दिवसांपासून राज्‍यभर गारठा वाढत असताना, नाशिकच्‍या तापमानातही घसरण होत आहे. मंगळवारी (ता.१) नाशिकचे किमान तापमान १२.६ अंश सेल्सिअस नोंदविले असून, हे यंदाच्‍या हंगामातील निच्चांकी किमान तापमान ठरले आहे. २८.६ अंश सेल्सिअस इतके कमाल तापमान नोंदविले गेले आहे. (Nashik Winter Temperature update Minimum temperature of Nashik under 13 degrees Nashik News)
गेल्‍या पंधरा दिवसांपासून शहर परिसरात सायंकाळनंतर शीतलहरींची अनुभूती नागरीकांना येत आहे. वातावरणात गारवा जाणवत असल्‍याने तापमानातही सातत्‍याने घसरण सुरू आहे. गेल्‍या दहा दिवसांत नाशिकचे किमान तापमान तब्‍बल दहा अंशांपर्यंत घसरले आहे. गेल्‍या २१ ऑक्‍टोबरला नाशिकचे किमान तापमान २२ अंश सेल्सिअस तर कमाल तापमान २९.७ अंश सेल्सिअस नोंदविले गेले होते.
त्‍यातच मंगळवारी (ता.१) नाशिकचे किमान तापमान १२.६ अंश सेल्सिअस नोंदविले गेले असून, हे यंदाच्‍या हंगामातील निच्चांकी तापमान ठरले आहे. दोन दिवसांपूर्वी नाशिकचे तापमान १३.३ अंश सेल्सिअस नोंदविले होते. येत्‍या काही दिवसांत गारठ्यात आणखी वाढ होताना तापमान एकअंकी होण्याचा अंदाज वर्तविला जातो आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.