येवला : ‘मुख्यमंत्री : लाडकी बहीण’ योजनेच्या लाभासाठी आवश्यक कागदपत्रे बनविण्याच्या धावपळीत येथे एका महिलेला आपला जीव गमवावा लागला. तहसील कार्यालयाकडे जाताना अज्ञात वाहनाच्या धडकेत या महिलेचा मृत्यू झाला. (woman had to lose her life here in rush to prepare necessary documents for benefit of Ladki Bahin scheme)

राज्य शासनाने जाहीर केलेल्या ‘लाडकी बहीण’ योजनेचे कागदपत्र तयार करण्यासाठी प्रशासकीय संकुलातील तहसील कार्यालयात पायी जात असलेल्या महिलेला अज्ञात वाहनाने उडवले.

त्यात महिला जागीच ठार झाल्याची घटना घडली. याप्रकरणी येवला शहर पोलिसांत गुन्हा दाखल करण्यात आला आहे. (latest marathi news)

उज्वला राजीव चौधरी (वय ४५, रा. रेल्वे स्टेशन, येवला) या महिलेला तहसील कार्यालयाच्या गेटवर नगर-मनमाड महामार्गावर अज्ञात वाहनाने धडक दिली.

त्यात महिलेच्या डोक्याला गंभीर दुखापत होऊन त्या जागीच ठार झाल्या. उपजिल्हा रुग्णालयात शवविच्छेदन झाल्यानंतर मृतदेह नातेवाईकांच्या ताब्यात देण्यात आला.