नाशिक : जिल्हा परिषदेतील माध्यमिक विभागाचा शिक्षणाधिकारीपदाचा पदभार प्रवीण पाटील यांच्याकडे देण्याचा निर्णय मॅटने दिल्यानंतर पाटील यांनी पदभार स्वीकारत कामकाजाला सुरवात केली.

यात त्यांच्या अनुपस्थितीत प्रभारीपदाची धुरा सांभाळत असलेले उपशिक्षणाधिकारी उदय देवरेंचे महिनाभराचे कामकाज अवैध ठरवत, त्यांनी काढलेल्या फायली रद्द केल्याचे बोलले जात आहे. महत्त्वाच्या फायली त्यांनी पुन्हा मागविल्याची चर्चा आहे. (Nashik ZP work of secondary school department illegal news)

यापूर्वीही पाटील यांची प्रशासनाने शासनाकडे तक्रार करत बदली केली होती. त्या वेळी देखील पाटील यांनी मॅटकडून स्थगिती मिळविली होती.

पाटील यांना पदभर देण्याच्या आदेशानंतर नियमित कामकाजाला सुरवात केली.

महिनाभरात देवरेंनी केलेल्या अनेक कामकाजावर त्यांनी आक्षेप घेतल्याचे बोलले जात आहे. दोघांमधील या शीतयुद्धामुळे विभागातील कर्मचारी पेचात सापडले आहेत.