नाशिक : निसर्ग चक्रीवादळाने झालेल्या नुकसानीचे पंचनामे पूर्ण झाले असून, इतक्या हेक्‍टरवरील पिके आडवी झाली आहेत. त्यात कांदा, टोमॅटो, ऊस, डाळिंबासह भाजीपाल्याला सर्वाधिक तडाखा बसला. वीज पडून व वादळामुळे लहान- मोठी तब्बल इतकी जनावरे दगावली. पाचशेहून अधिक कच्च्या व पक्‍क्‍या घरांची पडझड झालीय. 

वादळात अनेकांचे होत्याचे नव्हते

बुधवारी चक्रीवादळाने जिल्ह्यात मोठा पाऊस झाला अन् वादळात अनेकांचे होत्याचे नव्हते झाले. प्रशासनाने तालुकानिहाय पंचनामे केले आहेत. वादळी वाऱ्यामुळे शेतपीक व शेतातून काढलेल्या मालाचे नुकसान झाले. जिल्ह्यात 239.77 हेक्‍टरवरील पिके आडवी झाली आहेत. सर्वाधिक नुकसान सिन्नर व दिंडोरी तालुक्‍यांत झाले. कांदा, डाळिंब, ऊस, टोमॅटो व भाजीपाल्याचे अधिक नुकसान झाले. पोल्ट्री फार्म, पॉलिहाउस व कांदाचाळी जमीनदोस्त झाल्या. तसेच गाई, म्हशी, बोकड, शेळ्या व मेंढ्या दगवण्याचे प्रमाणही जास्त आहे. जिल्ह्यात 73 जनावरे दगावली आहेत. यात बागलाण तालुक्‍यात सर्वाधिक पशुधनाचे नुकसान झाले आहे. 

घरांची मोठ्या प्रमाणात पडझड

जोरदार वारा व मुसळधार पाऊस यामुळे घरांची मोठ्या प्रमाणात पडझड झाली. यात कच्च्या घरांससह पक्‍क्‍या घरांचेही नुकसान झाले आहे. याशिवाय वादळाच्या तडाख्याने झोपड्यांचे मोठे नुकसान झाले. घरांचे छत व पत्रे उडणे, भिंत खचणे अशा स्वरुपाचे नुकसान झाले. यात 36 पक्‍क्‍या घरांसह 475 कच्च्या घरांचे मोठे नुकसान झाले. 

हेही वाचा > बॅग गायब म्हटल्यावर...डोळ्यासमोर अंधारीच...पण, नंतर जे घडलं ते आश्चर्यकारकच!

नुकसान आकडेवारी

पिके - 239.77 हेक्‍टर 
लहान जनावरे - 28 
मोठी जनावरे - 45 
कच्ची घरे - 475 
पक्की घरे - 36 
पॉलिहाउस - 10 
शेडनेट - 11 
पोल्ट्री - 06 
कांदाचाळी - 07 
गोठे - 02  

हेही वाचा > धक्कादायक! पोलिसांना संशय होताच...पण, वाहनाची झडती घेतली असता 'हे' काय निघाले?