नाशिक : (नाशिक रोड) राष्ट्रीय रक्षा अकादमी (NDA) आणि नौसेना अकादमी (NA) च्या परीक्षार्थींच्या मुंबई आणि नागपूरला परीक्षा होणार आहेत. त्यासाठी उत्तर महाराष्ट्रातील पाचही जिल्ह्यांतून विशेष रेल्वेगाड्यांची सोय केली आहे. वाचा सविस्तर बातमी
पाचही जिल्ह्यांतून मुंबई-नागपूरसाठी १२ फेऱ्या
शुक्रवार (ता.४) सायंकाळी सहापासून विशेष रेल्वेगाड्या सुरू झाल्या. १२ फेऱ्या चालविण्याचा निर्णय मध्य रेल्वेने घेतला आहे. ‘कोविड-१९’ अंतर्गत अटी-शर्तींचे नियम पाळूनच प्रवास होणार आहे. प्रशिक्षणार्थींना आरक्षित तिकीट आरक्षण खिडकीवर किंवा ऑनलाइन तिकीट काढता येणार आहे. शुक्रवारपासून सायंकाळी सहाला सुरू होणार आहे. मेमू गाडी अनारक्षित राहील. परीक्षार्थींना अनारक्षित तिकीट काढून प्रवास करावा लागेल. सोबत आपले हॉल तिकीट ठेवावे लागेल.
मुंबईसाठी रेल्वे
नाशिकहून (गाडी क्र.- ०११३४ ) मुंबईला जाण्यासाठी नाशिकहून शनिवारी (ता. ५) रात्री पावणेबाराला गाडी सुटून मुंबईला पहाटे चारला पोचेल. भुसावळ स्थानकातून (गाडी- ०२१५६) भुसावळ-मुंबई विशेष गाडी शनिवारी भुसावळ स्थानकातून रात्री सव्वानऊला सुटून रविवारी (ता. ६) पहाटे सव्वापाचला मुंबईत पोचेल. यादरम्यान जळगाव- २१.३८ , मनमाड- २३.३८, नाशिक रोड- ००.३५ पोचेल. याशिवाय नगर स्थानकातून (गाडी- ०११३२) नगर- मुंबई विशेष गाडी शनिवारी नगरहून रात्री नऊला सुटून रविवारी (ता. ६) मुंबईला पोचेल. यादरम्यान मनमाड- २५ नाशिक रोड- १.२५ थांबेल. नाशिकहून शुक्रवारी गाडी पनवेल- नागपूर विशेष गाडी (गाडी क्र- ०२१६९) पनवेल-नागपूर विशेष गाडी शनिवारी पनवेलहून दुपारी पावणेदोनला सुटेल. ही गाडी नाशिक रोड स्थानकावर-१७.२०, मनमाड-१८.२५, भुसावळ-२०.४०, अकोला- २२.५५ बडनेरा-००.१० ला थांबेल.
नागपूरसाठी रेल्वे
जळगाव- नागपूर मेमू गाडी (गाडी- ०२१६३) जळगाव- नागपूर विशेष गाडी शनिवारी जळगाव स्थानकावरून रात्री साडेनऊला निघून रविवारी नागपूरला पोचेल. भुसावळ- २२.१०, अकोला-००.३०, बडनेरा-०१.४५ थांबेल, गाडी क्र- ०२१६६, तर नगर-नागपूर विशेष गाडी (गाडी- ०२१६७), नगर- नागपूरदरम्यान शनिवारी नगर स्थानकाहून दुपारी चारला निघून नागपुरला दुसऱ्या दिवशी पहाटे चारला पोचेल. मनमाड-१९.००, भुसावळ-२१.४५, अकोला-२३.५० बडनेरा-०१.१५. (गडी क्र-०२१६८).
हेही वाचा >VIDEO : विचित्रच! मुंडकं नसलेला व्यक्ती दिसताच नाशिककरांची भंबेरी उडते तेव्हा;नेमका प्रकार काय?
संपादन - किशोरी वाघ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.