नाशिक : मालेगाव शहरातील करोना पॉझिटिव्ह रुग्णांचा आकडा दिवसेंदिवस वाढतच आहे. आज प्राप्त झालेल्या अहवालात पुन्हा एका रुग्णाचा रिपोर्ट कोरोना पॉझिटिव्ह आला आहे. त्यामुळे मालेगाव येथील रुग्णसंख्या २९ वर पोहोचली असून नाशिक जिल्ह्यात रुग्णांचा आकडा ३५ वर पोहोचला आहे.

आठ अहवालांपैकी सात अहवाल निगेटिव्ह तर एक  पॉझिटीव्ह

तपासणीसाठी पाठविलेल्या आठ अहवालांपैकी सात अहवाल निगेटिव्ह तर एक अहवाल पॉझिटीव्ह आढळून आला आहे. हा व्यक्ती पूर्वीच्या पॉझिटिव्ह कुटुंबातील निकटवर्तीय सदस्य असल्याचे बोलले जात आहे. या रुग्णाचा रिपोर्ट पॉझिटीव्ह आल्याने मालेगावमधील एकूण पॉझिटीव्ह रुग्णांची संख्या २९ वर पोहोचली आहे. यामध्ये एका मृताच समावेश आहे. तर जिल्ह्यातील कोरोना पॉझिटीव्ह रुग्णांची संख्या  ३५ वर पोहोचली आहे. कोरोनामुळे एका रुग्णाला आधीच प्राण गमवावे लागले असल्याने शहरातील करोना संक्रमण रोखणे हे यंत्रणांपुढील मोठे आव्हान बनले आहे. मालेगावी या संकटाला सामोरे जाण्यासाठी ऑपरेशन सेंटरमधून समन्वय सुलभ व्हावा यासाठी जिल्हाधिकारी सुरज मांढरे यांनी विशेष आयएएस अधिकाऱ्याची याठिकाणी नियुक्ती केली आहे.

हेही वाचा > मुलाला उच्चशिक्षित करण्याची 'त्यांची' इच्छा अपूर्णच...काळ असा आला की...मुलगाच

आज रुग्णसंख्या २९ वर पोहोचल्यामुळे मालेगावमधील प्रशासनाचे या गंभीर परिस्थितीला तोंड देण्यासाठी खासगी दवाखाने उपचारासाठी तयार ठेवले आहेत. पोलीस यंत्रणा, जिल्हा प्रशासन याठिकाणी ठाण मांडून आहे. आलेल्या परिस्थितीला तोंड देऊन कोरोनामुक्त मालेगाव करण्याचा संकल्प त्यांच्याकडून केला जात आहे.  अजूनही मालेगावच्या काही भागात नागरिक घराबाहेर पडताना दिसून येत असून त्यांनाही आवर घालावा लागणार आहे.

हेही वाचा > धक्कादायक! रागाच्या भरात 'त्याचे' हात देखील थरथरले नाही...बायकोला तर पेटवलंच अन् स्वत:देखील...