नाशिक : महापालिका निवडणुकीच्या महिला आरक्षणाची सोडतीवर हरकती मागवण्यात आल्या होत्या. आत्तापर्यंत एकूण चार हरकती महापालिकेला प्राप्त झाल्याची माहिती महापालिकेकडून देण्यात आली आहे.

एकूण १३३ जागांपैकी ६७ जागा महिलांसाठी राखीव करण्यात आल्या आहे. ३१ मेस सकाळी मुंबई नाका येथील महापालिकेच्या दादासाहेब गायकवाड सभागृहात महापालिका आयुक्त तथा प्रशासक रमेश पवार (Municipal Commissioner and Administrator Ramesh Pawar) यांच्या प्रमुख उपस्थितीत तसेच प्रशासन उपायुक्त मनोज पाटील, नगरसचिव राजू कुटे, डॉ. आवेश पलोड आदी प्रमुख अधिकाऱ्यांच्या उपस्थितीमध्ये महिला आरक्षण सोडत काढण्यात आली. या वेळी अनुसूचित जाती तसेच अनुसूचित जमाती यांचेदेखील जागा राखीव करण्यात आल्या होत्या. त्याच्यावर हरकती मागवण्यात आल्या होत्या. त्यानुसार सोमवारपर्यंत एकूण चार हरकती प्राप्त झाल्या आहेत.