नाशिक : कोरोनाच्या प्रादुभार्वातून मुक्तीसाठी पोलिस आयुक्त दीपक पांडे यांच्या संकल्पनेतून आयुक्तालय, ग्रामीण पोलिस, पोलिस अकादमी, कारागृह पोलिस, गृहरक्षक दलाचे जवान आणि त्यांच्या कुटुंबीयासाठी १९ सप्टेंबरपासून सुरू करण्‍यात आलेल्या पोलिस कोविड सेंटरमधून १९८ कोरोना रुग्ण बरे होऊन बाहेर पडले आहेत.

पोलिस कोविड सेंटरमध्ये आठवड्यापासून शांतता..!

पोलिस कोविड सेंटरमधून १९८ कोरोना संशयित बरे होऊन बाहेर पडले असून, तब्बल आठवड्यापासून पोलिस कोविड सेंटरमध्ये एकही रुग्ण दाखल झालेला नाही. तसेच केंद्रात जवळपास ६०० जणांच्या ॲन्टिजेन रॅपिड टेस्ट झाल्या आहेत. पोलिस केंद्राचा उद्देश यशस्वी झाल्याने यात योगदान दिलेल्या डॉ. कल्पेश शिंदे, डॉ. प्रज्ञा बेदरकर, डॉ. प्राची कडू, डॉ. सोनल कोठुळे, डॉ. विश्‍वजित शिंदे, डॉ. चिन्मय चौधरी, डॉ. हृषीकेश देशमाने आदींसह परिचारिका, वैद्यकीय प्रतिनिधी, रुग्णवाहिका चालक यांचा सत्कार करण्यात आला. पोलिस आयुक्त पांडे, उपायुक्त संग्रामसिंह निशाणदार, पौर्णिमा चौगुले, अमोल तांबे, विजय खरात आदींसह पोलिस आधिकारी उपस्थित होते.  

हेही वाचा > शेडनेट पंजाच्या सहाय्याने फाडून आत शिरण्यात बिबट्या अयशस्वी; तरीही डाव साधलाच

हेही वाचा > समाजकंटकाचेच षड्यंत्र! वाळलेले कांदारोप बघून शेतकऱ्याला धक्काच; अखेर संशय खरा ठरला