नाशिक : गेल्‍या काही दिवसांपासून दिलासादायक स्‍थिती असताना शनिवारी (ता. २२) कोरोनाबाधितांच्‍या संख्येत लक्षणीय वाढ झाली. दिवसभरात ९१२ कोरोनाबाधित आढळून आल्‍याने आतापर्यंतच्‍या बाधितांची संख्या २९ हजार ३३५ झाली आहे. ४१२ रुग्‍णांनी कोरोनावर मात केल्‍याने बरे झालेल्‍या रुग्‍णांची संख्या २३ हजार ७७७ इतकी झाली आहे. 

दोन हजार ६३१ ॲक्टिव्‍ह रुग्‍ण

ॲक्टिव्‍ह रुग्‍णांच्या संख्येत पाचशेने वाढ झाली असून, चार हजार ७९७ बाधित उपचार घेत आहेत. सहा रुग्‍णांचा मृत्‍यू झाल्‍याने मृतांचा आकडा ७६१ झाला आहे. शनिवारी आढळलेल्‍या ९१२ कोरोनाबाधितांमध्ये सर्वाधिक ६२९ नाशिक शहरातील, २५२ नाशिक ग्रामीण, २९ मालेगाव, तर दोन जिल्‍हाबाह्य रुग्‍णांचा समावेश आहे. बरे झालेल्‍या ४१२ रुग्‍णांमध्ये नाशिक शहरातील १५०, नाशिक ग्रामीणचे २२५, मालेगावच्‍या ३७ रुग्‍णांचा समावेश आहे. नाशिक शहरात आढळलेल्‍या १९ हजार ७१२ कोरोनाबाधितांमध्ये १६ हजार ६५५ रुग्‍णांनी कोरोनावर मात केली असून, दोन हजार ६३१ ॲक्टिव्‍ह रुग्‍ण सध्या उपचार घेत आहेत. 

हेही वाचा > अचानक सायरनचा तो धडकी भरविणारा आवाज..नागरिकांत घबराट अन् सुटकेचा निश्वास! काय घडले नेमके?

नाशिक ग्रामीणमध्ये आढळलेल्‍या पाच हजार ४९० रुग्‍णांनी कोरोनावर मात केली असून, एक हजार ४८७ रुग्‍ण सध्या उपचार घेत आहेत. मालेगाव महापालिका हद्दीत सापडलेल्‍या दोन हजार २३३ रुग्‍णांपैकी एक हजार ४६१ रुग्‍णांनी कोरोनावर मात केली असून, ६६९ रुग्‍णांवर उपचार सुरू आहेत. 
शनिवारी मृत्यू झालेल्‍या सहा रुग्‍णांमध्ये नाशिक शहरातील दोन, ग्रामीणचे तीन, मालेगाव महापालिकाहद्दीतील एका रुग्‍णाचा समावेश आहे. 

हेही वाचा > शिवप्रेमींत हळहळ; शिवप्रेमी रितेशची किल्ल्यावरील 'ती' सेल्फी शेवटची ठरली, काय घडले?

दिवसभरात नाशिक महापालिका रुग्‍णालये व गृहविलगीकरणात ५३१, नाशिक ग्रामीण व गृहविलगीकरणात २१०, मालेगाव महापालिका रुग्‍णालये व गृहविलगीकरणात ७२ आणि डॉ. वसंतराव पवार वैद्यकीय महाविद्यालयात २०, जिल्‍हा रुग्‍णालयात नऊ संशयित दाखल झाले आहेत. एक हजार ३५७ रुग्‍णांचे अहवाल प्रलंबित होते. 

संपादन - किशोरी वाघ