नाशिक : कोरोनाचा प्रादुर्भाव लक्षात घेता लक्षणे जाणवणारे किंवा संशयित रुग्‍णांना रुग्‍णालयात अथवा गृहविलगीकरणात दाखल केले जात असते. दीर्घ कालावधीनंतर रविवारी (ता. २०) नाशिक शहरातील महापालिका रुग्‍णालये व गृहविलगीकरणात दाखल रुग्‍णांची संख्या दिवसभरात एक हजारहून अधिक राहिली. दरम्यान, जिल्ह्यात दिवसभरात ३२४ रुग्‍णांचा अहवाल पॉझिटिव्‍ह आला असून, बरे झालेल्‍या रुग्‍णांची संख्या ४१७ होती. तर पाच रुग्‍णांचा मृत्‍यू झाला. यातून ॲक्टिव्‍ह रुग्‍णसंख्येत ९८ ने घट झाली असून, सद्यःस्‍थितीत जिल्ह्यात दोन हजार ७६७ बाधितांवर उपचार सुरू आहेत. 

नाशिक शहरातील १४९ बाधित

रविवारी आढळलेल्‍या कोरोनाबाधितांमध्ये नाशिक शहरातील १४९, नाशिक ग्रामीणमधील १५८, मालेगावला दहा, तर जिल्‍हाबाहेरील सात रुग्‍णांचे अहवाल पॉझिटिव्‍ह आले आहेत. बरे झालेल्‍या रुग्‍णांमध्ये नाशिक शहरातील ३३७, नाशिक ग्रामीणमधील ६५, मालेगावचे अकरा, तर जिल्ह्याबाहेरील चार रुग्‍णांचा समावेश आहे. पाच मृतांमध्ये नाशिक शहरातील तीन, तर ग्रामीण भागातील दोघांचा समावेश आहे. शहरात गंगापूर रोड, पंपिंग स्‍टेशन परिसरातील ७० वर्षीय पुरुष, तसेच, जेल रोडवरील ६९ वर्षीय महिला, भाभानगरच्‍या नवशक्‍ती चौकातील ५२ वर्षीय पुरुष रुग्‍णाचा मृत्‍यू झाला. तर ग्रामीण भागात सिन्नरच्‍या ८० वर्षीय महिला, दिक्षी (ता. निफाड) येथील ६० वर्षीय पुरुष रुग्‍णाचा कोरोनामुळे मृत्‍यू झाला आहे. 

हेही वाचा >> मित्राच्या बहिणीच्या लग्नाचा तो सोहळा ठरला अखेरचा; जीवलग मित्राची कायमची ताटातूट ​

एकूण संख्या एक लाख सात हजार २३३

दरम्‍यान, जिल्ह्यातील कोरोनाबाधितांची एकूण संख्या एक लाख सात हजार २३३ झाली असून, यापैकी एक लाख दोन हजार ५५७ रुग्‍णांनी कोरोनावर मात केली आहे. आतापर्यंत एक हजार ९०९ रुग्‍णांचा मृत्‍यू झालेला आहे. दिवसभरात दाखल रुग्‍णांमध्ये नाशिक महापालिका हद्दीतील रुग्‍णालये व गृहविलगीकरणात एक हजार २१, नाशिक ग्रामीण रुग्‍णालये व गृहविलगीकरणात २३, मालेगावला चार, डॉ. वसंत पवार वैद्यकीय महाविद्यालयात पाच, जिल्‍हा रुग्‍णालयात दोन रुग्‍ण दाखल झाले आहेत. सायंकाळी उशिरापर्यंत ६३७ रुग्‍णांचे अहवाल प्रलंबित होते. यापैकी ४४१ अहवाल नाशिक शहरातील असून, नाशिक ग्रामीणमधील ११४, मालेगावच्‍या ८२ रुग्‍णांना अहवालाची प्रतीक्षा होती. 

हेही वाचा >> चार वर्षाच्या चिमुरड्या 'राई'ने जिंकलं सर्वांचं मन! तीन तास नॉनस्टॉप कळसुबाई सर ​